اشترك
Buy Neuth France products

الزيوت المهدرجة خطر يهدد صحتك

0

و انتى بتطبخى الأكل لعيلتك أكيد بتفكرى مش بس فى الطعم الحلو لكن كمان فى القيمة الغذائية إللى هيحصلوا عليها من أكلهم ، بتهتمى إنك تغسلى الخضروات و الفواكه كويس جدا و بتحاولى تدورى على مصدر الأكل عشان تضمنى نضافته ، عشان كدة لازم تعرفى ان فى حاجات بتستخدميها فى أكلك ممكن تكون خطيرة جدا على صحتك و صحة عيلتك و انتى مش حاسة بيها ، و من أهم المكونات الخطيرة و الموجودة فى بيوت كتير هى الزيوت المهدرجة إللى بتيجى على شكل السمن الصناعى أو النباتى أو المارجرين، اعرفى فى المقالة دى أضرار السمن الصناعى و إيه هى البدايل إللى تقدرى تستخدميها فى الأكل

إيه هى الزيوت المهدرجة ؟

الزيوت المهدرجة هى عبارة عن دهون مصنعة عن طريق عملية تسمى الهدرجة يتم فيها إضافة الهيدروجين إلى الزيوت النباتية عشان تتحول إلى دهون صلبة و بتهدف لتكتيل الزيوت غير المشبعة عشان تمنعها من الإنتان و للمحافظة عليها فى حالة صلبة فى درجة حرارة الغرفة و تستخدم لتصنيع المواد الغذائية المحفوظة بوجه خاص بسبب طعمها و قدرتها على حفظ الطعام و كمان بتستخدم فى البيوت فى الطبخ العادى كبديل عن السمن الطبيعى أو الزبدة

الدهون المهدرجة بتدخل فى صنع كتير من الأطعمة المصنعة و الحلويات زى الوجبات السريعة و الحلويات الشرقية و الدوناتس و البسكويت و أى منتج يحتوى على كلمة زيت النخيل أو زيوت مهدرجة.

هل الزيوت المهدرجة تمثل ضرر على صحة الإنسان ؟

  • الدهون المهدرجة من الممكن أن تسبب انسداد فى الشرايين و بالتالى تمثل خطورة على صحة القلب و من الممكن أن يتطور الأمر ليصل لحد الإصابة بالأزمات القلبية لأن الدهون المهدرجة بتؤدى لزيادة نسبة الكوليسترول السئ فى الجسم وتقليل نسبة الكوليسترول الجيد و بالتالى بتبدأ الدهون فى الترسب فى الشرايين ، فى دراسة تم اجرائها تبين إن الأشخاص إللى بيتناولوا الزيوت المهدرجة بكثرة هم عرضة أكتر من غيرهم بنسبة 50% للإصابة بانسداد فى الشرايين و مشكلات فى القلب
  • الدهون المهدرجة من الممكن أن تؤدى لزيادة معدلات ضغط الدم و كمان بتزود من فرص الإصابة بمرض السكرى من النوع التانى

إيه هى البدائل المتاحة للزيوت المهدرجة أو السمن الصناعى فى الطبخ ؟

لو كنتى مش بتقدرى تستغنى عن طعم السمن فى أكلك فالسمن البلدى أو الزبد تعتبر من الدهون الأقل ضررا على صحتك و صحة عيلتك فبالرغم من احتوائها على دهون مشبعة و لكن لم تتعرض لعملية الهدرجة الضارة ، و يفضل محاولة حرق الدهون فى صورة مجهود و تمرينات رياضية لمنع ترسب الدهون فى القلب و الشرايين و الاهتمام بشرب المياه

أما أفضل الاختيارات الصحية فى الطعام هى تناول الدهون غير المشبعة.

Share.

Comments are closed.