اشترك
Buy Neuth France products

الرضاعة الطبيعية

0

من الطبيعى أن أكثر حاجة ممكن تهتم بيه الأم هى صحة طفلها حديث الولادة وازاى تقدمله أفضل رعاية  وكتير من الأمهات بيكونوا محتارين هل الرضاعة الطبيعية ممكن تكون فرق ملحوظ فى صحة الطفل ولا ممكن الأستغناء عنها و تعويضها بأنواع غذاء مختلفة خصوصا و أن الرضاعة الطبيعية بتشكل عبء كبير على الأم.

الرضاعة الطبيعية:
بينصح معظم الأطباء و المنظمات الطبية على مستوى العالم بالرضاعة الطبيعية لكن بيفضل القرار النهائى خاص بكل أم فى الشكل و الطريقة اللى توصل بيها الغذاء لاطفالها خصوصا مع مسئوليات الحياة الكثيرة و اللى كلنا بنواجها انما فى معلومات عن الرضاعة الطبيعة من الأفضل أن كل أم تكون عارفاها قبل ما تأخذ قرارها.

  • فوائد الرضاعة الطبيعية بالنسبة للطفل:
       .بيحتوى لبن الأم على الغذاء المثالى بالنسبة للرضع ففيه كل ما يحتاجه الطفل للنمو فهو خليط ممتاز من الفيتامينات و الدهون والبروتينات وبيكون سهل الهضم بالنسبة للأطفال أكثر من الأطعمة البديلة.
      .بيحتوى كمان على كتير من الأجسام المضادة اللى بتساعد جسم الطفل أنه يتغلب على كتير من الفيروسات و البكتيريا,وبيقلل من خطر الأصابة بأمراض كتير زى الربو و الحساسية
    . الأطفال اللى بيتغذوا على لبن الأم بس أول 6 شهور بدون أى أطعمة أخرى بديلة بيكونوا أقل عرضة للاصابة بمرض عدوى الأذن وأمراض الجهاز التنفسى و الأسهال و طبعا بيكونوا أقل عرضه للذهاب للأطباء و المستشفيات.
    .تربط دراسات كثيرة بين الرضاعة الطبيعية و زيادة معدل الذكاء عند الطفل و الأكثر كمان من ده أن التقارب الجسدى و الأتصال بالعينين و التلامس بين الطفل و أمه بيزيد من أرتباطه بيها و من شعوره بالأمان .
    . الأطعمة البديلة للرضاعة الطبيعية ممكن أنها تتسبب فى زيادة فى وزن الطفل عن معدلاته الطبيعية .
    . ده غير أن الرضاعة الطبيعية بيكون ليها أثر كبير فى حماية الطفل فى المستقبل من أمراض كتيرة زى السكرى  والسمنة و أنواع من السرطان.

فوائد الرضاعة الطبيعية بالنسبة للأم:

زى ما الرضاعة الطبيعية ليها فوائد كتير بالنسبة للطفل فهى كمان مفيدة للأم:

      .بتساعد فى حرق السعرات الحرارية الزيادة و ده بيساعد الأم انها تخسر الوزن اللى اكتسبته فى فتره   الحمل بصورة أسرع.

  • تساعد فى افراز هرمون الأوكسيتوسين وده اللى بيساعد فى رجوع الرحم لحجمه قبل الحمل و بيقلل من نزيف الرحم بعد الولادة.
  • وبتقلل كمان من خطر الأصابة بسرطان الثدى و المبيض و محتمل انها تقلل من الأصابة بهشاشة العظام أيضا.
  • مع الرضاعة الطبيعية هتكون الأم مرتاحة من شراء أطعمة أخرى و تدفئة البيبرونة و تجهيزها و كمان هتوفرلك وقت تكون مرتاحة فيه مع طفلك الجديد بهدوء و سعادة.
  • هل بأستمرار هيكون لبنك كافى لأرضاع طفلك:
    فى الأيام الأولى بعد الولادة هيكون أفضل لبن اللى أسمه اللبأ(الثرثوب)وده بيكون كثيف ولونه بيميل للون الأصفر وقليل لكن كميته بتكون كافية جدا لأحتياج الطفل من الغذاء وبتساعد فى نمو الجهاز الهضمى.
    .كل ما بيحتاج الطفل للبن الزيادة فبشكل تلقائى بيزيد لبن الأم علشان يسد الأحتياج ده لكن لو لجاءت الأم لبدائل فى الطعام للطفل فبيبدأ اللبن الطبيعى يقل .

الوقت اللى هتكون فيه الرضاعة الطبيعية خطر على طفلك ومرفوضة تماما:

  • ايوه ممكن الرضاعة الطبيعية تكون خطر على طفلك والمفروض ان الأم توقفها فورا بس ده بيكون فى حالات قليلة:
    1-لوالأم عندها فيروس نقص المناعة ايجابى ممكن يتنقل للطفل خلال الرضاعة .
    2-لو كانت الأم مصابة بالسل.
    3-لو الأم بتخضع للعلاج الكيميائى لعلاج السرطان .
    4-لو الأم بتتعاطى المخدرات زى النيكوتين و الماريجونا.
    5-لو كان الطفل من الحالات النادرة التى تعانى من الجا لاكتوز فى الدم ومش بيتحمل السكر الطبيعى(الجلوكوز ) الموجود فى لبن الأم.
    6-لو الأم بتتناول بعض الأدوية للعلاج واللى بتأثر على صحة الطفل زى أدوية الصداع النصفى و التهاب المفاصل أو الباركنسون.

خدى بالك:
1-من الأفضل لأى أم لوبتأخد أى أدوية أنها تسأل الدكتور لو ده هيأثر على لبن الطفل
2-لو الأم عندها انفلونزا ده مش هيأثر على لبن الطفل ولا هينقل المرض انما بالعكس ممكن يديله أجسام مضادة للمرض.
3-تنصح المنظمات الطبية للأطفال فى سن 4 شهور لو بيتغذوا من لبن الأم بشكل جزئى لكنه بيشكل أكثر من نصف أكلهم انهم يكملوا أحتياجهم من الحديد عن طريق الفم زى مثلا الحبوب المدعمة بالحديد وطبعا لازم الأم تتابع مع الدكتور علشان تفحص مستوى الحديد فى الجسم .

Share.

Comments are closed.