اشترك
Buy Neuth France products

الخوف من الولادة

0

كتير من السيدات المقبلات علي الولادة بيحسو بشعور من القلق او الخوف يمكن بسبب الخوف من طول فترة الولادة والامها ويمكن بسبب الخوف من حدوث مضافعات للأم بعد الولادة لاقدرالله ويمكن بسبب الخوف من حدوث مشاكل صحية عند الطفل وكمان بتكوني قلقانة من مسألة مظهرك بعد الولادة ووزنك وشكل جسمك واسلوب حياتك مابعد الولادة. لو كنتي مقبلة علي الولادة وحاسة انك قلقانة من اي حاجة تابعي معانا المقالة دي وهنساعدك انك تتغلبي علي خوفك وتواجهي الموقف بشكل طبيعي.

اسباب الخوف من الولادة:

عشان تقدري تعالجي خوفك من الولادة لازم الاول تعرفي سببه,ومن الاسباب اللي ممكن تخليكي تخافي من الولادة:
-مرور سيدة قريبة منك بتجربة صعبة في الولادة.
-خوفك من اي مشاكل صحية ممكن تحصللك  اثناء الولادة او بعدها خصوصا في حالة الحمل في سن متقدم
-قلقك من اي مضاعفات تحصل للطفل اثناء الولادة او بعدها.
-الخوف من ان اسلوب حياتك بعد الانجاب مايكونش فيه الحرية اللي كنتي بتستمتعي بيها قبل الولادة.
-الخوف من اعباء مابعد الولادة من ملازمة دائمة للطفل وقلة النوم والسهر علي احتياجات الطفل.
-الخوف من زيادة وزنك بعد الولادة وان لبسك القديم ميبقاش داخل فيكي وان ده يأثر علي ثقتك بنفسك وعلاقتك بزوجك.
-الخوف من صعوبة التوفيق بين مسئولياتك تجاه الطفل ومسئولياتك الاخري.
-الخوف من تدبير الامور المادية بعد وجود فرد جديد في البيت له احتياجات مادية ومصاريف .

ازاي تتعاملي مع مسألة الخوف من الولادة؟
-اتكلمي مع حد تكوني بتثقي فيه وبترتاحي له خصوصا لو سيدة مرت قريب بموقف الولادة ,هترتاحي وهتحسي ان خوفك من اللحظة
قل كتير.
-اتكلمي مع الطبيب او الطبيبة اللي بيتابعو حالتك عن خوفك من متاعب الولادة ومابعدها واطلبي النصيحة المناسبة لحالتك .
-استشيري الطبيب او الطبيبة اللي بتتابعي معاهم حملك باستمرار بخصوص حالة الطفل عشان تطمئني علي صحته.
-لو حسيتي ان مسألة الخوف من الولادة دي مسيطرة عليكي اشغلي نفسك عن التفكير في لحظة الولادة بحاجة تانية زي انك تشتري ملابس جديدة للطفل وترتبيها في اماكنها او تقضي الوقت في اي هواية بتحبيها او اي نشاط بيديكي طاقة ايجابية.
-اسألي المقربين منك واللي بتثقي فيهم عن افضل الاطباء المتاحين ليكي وافضل المستشفيات اللي ممكن يتم فيها اجراء عملية الولادة لان ده هيطمنك اكتر لما تكوني مطمئنة علي جودة المستشفي اللي هتولدي فيها وكفاءة الطبيب اللي هيجري ليكي عملية الولادة.
-مع قرب يوم الولادة رتبي الشنطة اللي هتلازمك في المستشفي واحتياجات الطفل لان ده هيديكي احساس انك مستعدة للولادة اكتر.
-اول ماتشعري بالام الولادة كلمي حد قريب منك بسرعة لان الحكاية دي هتديكي شعور بدعم اللي حواليكي ليكي وهتقلل من خوفك من
لحظة الولادة.
-المشي والقيام بتمرينات رياضية خفيفة بيقلل من متاعب عملية الولادة وبيخليها اسهل وده كويس ليكي لانه هيطمنك اكتر بس يفضل
عدم القيام بأي تمرينات غير بعد استشارة طبيبك.
-حاولي تحافظي علي وزن مناسب خلال اشهر الحمل وابعدي عن الاطعمة الدسمة خصوصا لو كنتي متقدمة في السن لان ده هيجنبك
مشاكل صحية كتير انتي والطفل.
-بلاش تتناولي اي ادوية او عقاقير طبية في فترة الحمل غير بعد استشارة الطبيب لان ده هيطمنك اكتر علي صحة الطفل.
-اعرفي ان الخوف والقلق الزيادة من لحظة الولادة بيخليها اصعب ومؤلمة اكتر لكن لو كنتي متمتعة بهدوء اعصاب قبل الولادة ده
بيسهل اكتر عملية الولادة.
-لو حسيتي بعد كل ده ان برضه الخوف من الولادة مسيطر عليكي بشكل زيادة عن الحد متتكسفيش انك تتكلمي مع طبيب نفسي في
الحالة دي لانه اكيد هيساعدك انك تتخطيها.

ازاي تعالجي مسألة الخوف من الولادة ومابعدها:


بعد ماعرفتي السبب الاساسي اللي مخلي حالة الخوف من الولادة دي مسيطرة عليكي تقدري تعالجي الموضوع بسهولة من خلال:
-لو كنتي عاملة ممكن تتكلمي مع مديرك في مسألة اجازة مابعد الولادة وامكانية انك تؤدي بعض المطلوب منك في البيت . هتلاقي ان ده  خلاكي ترتاحي اكتر من مسألة التفكير في رجوعك للعمل بعد الولادة.
-لازم تعرفي انك انسانة اولا واخيرا من حقك ترتاحي كفاية وتقضي ولو وقت قليل جدا في اي حاجة بتحبيها لان ده هيفرق في نشاطك
وصحتك النفسية ورعايتك لطفلك وبيخلصك من الاجهاد الزائد بسبب مسئولياتك تجاه الطفل.
-دبري موضوع الماديات بعقلانية وموضوعية بإنك تحطي قايمة بالحاجات الضرورية بالنسبة للطفل والحاجات اللي ممكن الاستغناء عنها.
-متحمليش هم مسألة الزيادة في وزنك لانها بتتظبط مع الوقت ومع الرضاعة الطبيعية لان معروف ان الرضاعة الطبيعية بتحرق حوالي 800 سعر حراري في اليوم الواحد.
-من حقك انك تشوفي نفسك جميلة لان ده هيديكي طاقة ايجابية وهيرفع من معنوياتك وهيساعدك في تأدية مسئولياتك ناحية طفلك بنجاح وهيحسن من علاقتك بزوجك لذلك حتي لو لاقيتي ان وزنك زاد بعد الولادة ممكن برضه تحتفظي بأناقتك وجمالك من خلال العناية بنظافتك الشخصية و رائحة جسمك و اختيار ملابسك بعناية والاهتمام بشعرك .

-في النهاية خليكي عارفة ان مسألة متاعب الولادة ومابعدها دي حاجة مؤقتة جدا وبتروح مع الوقتعشان كده بلاش تبالغي في الخوف من الولادة وتخليه يسيطر عليكي بزيادة.

Share.

Comments are closed.