اشترك
Buy Neuth France products

!!!الحل الأمثل لغلاء البنزين  

0

!!بما إن البنزين غلي وده سبب في غلو أسعار المواصلات بمختلف أنواعها ، وده هيكون تكلفة كبيرة بالذات للأشخاص اللي بتركب أكتر من مواصلة

ممكن نستغل الفرصة ونوفر ثمن مواصلة ونعمل حاجة مفيدة لصحتنا ولجسمنا…..وهى إننا نتمشى شوية

ولأن معظمنا شغله على مكتب ومش بنتحرك كتير ،أصبحت حركتنا قليلة جدا ومحدش بقى يهتم بممارسة اي رياضة ،بقينا بنتعب من اي مجهود زيادة ،وم وده لأن قلة الحركة هى عامل كبير من عوامل إصابة الأفراد بأمراض خطيرة زي أمراض الضغط واالقلب والسكروكمان السرطان

!أنت تعرف لو أتمشيت في اليوم نص ساعة بس .. ده ليه فوايد كتير جدا لصحتك

يحسن من صحة قلبك : لان المشي بيحد من خطر الإصابة بأمراض القلب و والأوعية الدموية والسكتة الدماغية؛وكمان بعض العلماء قالوا إن المشي هو أفضل تمرين للأفراد اللي حركتها قليلة ،خاصة البالغين

في دراسة أخرى نشرت في مجلة الجمعية الأمريكية لطب الشيخوخة ، أكد العلماء أن الرجال والنساء من 65 سنة أو أكثر ، اللي بيمشوا لمدة 4 ساعات على الأقل كل أسبوع ، هم أقل عرضة للإصابة بأمراض القلب والأوعية الدموية

يساعدك تفقد من وزنك : المشي هو تمرين رائع وبيساعدك على إنقاص الوزن؛ لأن المشي بيساعد على حرق السعرات الحرارية والدهون الزائدة المكتسبة من تناول الطعام. وممكن مسافة ميل واحد من المشي تحرق حوالي 100 سعر حراري من الطاقة. استغل الفرصة واتمشى للأماكن القريبة منك ، بدل من سواقة عربيتك

يحسن الدورة الدموية : يساعد المشي على تحسين الدورة الدموية ووظائف المخ ، لأنه بيساعد على تزويد المخ بالكميات المطلوبة من الأكسجين والجلوكوز ، وبالتالي يساعده على العمل بشكل أفضل. كما ن بيقلل من مستويات الكوليسترول ، اللي بتسد الشرايين ، وبالتالي يقلل من خطر السكتة القلبية

يقلل من خطر مرض السكري : قلة الحركة بتزود إحتمالية الإصابة بمرض السكري. المشي كل يوم بيساعد على التحكم في مستويات سكر الدم ، واللي بدورها ممكن تساعدك على الوقاية من مرض السكري من النوع 2

يقوي العظام : تميل عظامك إلى أن تصبح أضعف مع تقدمك في العمر.  المشي بيساع على تقوية عظامك ، لأنه بيمنع فقدان كثافة العظام ، وبالتالي بيقلل من خطر الإصابة بهشاشة العظام والكسر

والمشي في الصباح خاصة فرصة عظيمة لجسمك عشان يحصل على فيتامين د ، وهو مهم جدا لقوة العظام

كلما كانت عظامك أقوى وأكثر صحة كلما كنت قادر على العمل والتحمل . والمشي ممكن كمان يمنع إلتهاب المفاصل ويحد من الألم المصاحب

يقوي العضلات : زي العظام ، يساعدك المشي على تقوية عضلاتك. ، خصوصا عضلات الساق والظهر

يقلل من التوتر ويحسن المزاج : يساعد المشي على تقليل مستويات التوتر عن طريق تحسين الدورة الدموية ، واللي بدورها بتوفر المغذيات والأكسجين للخلايا. كمان بيحفز مستقبلات الجهاز العصبي وبيقلل إنتاج هرمونات التوتر

أثبتت العديد من الدراسات العلمية أن النشاط البدني يساعد في منع الاكتئاب ،وبالتالي ينصح بشدة الأطباء النفسيين بالمشي للمساعدة في تحسين المزاج

الممارسة الصحيحة لتمرين المشي

علشان يكون المشي تمرين لتحقيق اللياقة البدنية ،لازم تكون أوضاعك في المشي جيدة وحركاتك هادفة

:دي الطريقة الصحيحة اللي تمارس بيها تمرين المشي

رأسك تكون مرفوعة مش باصص للأرض –

خلى رقبتك وكتفيك وظهرك مسترخيين –

خلى دراعك يتحرك بحريته مع حركة جسمك –

شد عضلات بطنك وخلي ظهرك مستقيم –

علشان تكون مرتاح في المشي ، خلي قدمك وانت ماشي يحمل على الكعب ثم الأطراف –

Share.

Comments are closed.