اشترك
like Sofy on Facebook

كفاية احراج .. اتغلب علي رائحة القدمين الكريهه

0

رائحة القدمين الكريهة بتعمل مشكلة سخيفة لصاحبها وبتسببله احراج كبير قدام الناس وخصوصا قدام شريك حياته بالذات لو كان شخص شديد التعرق ومش بيكون عارف يعمل ايه علشان يتخلص منها ،والمشكلة الاكبر انها ممكن تكون مؤشر لحالة مرضية.لو عايزين تعرفو اي هي اسباب رائحة القدمين الكريهة وازاي تتخلصو منها تابعو معانا المقالة دي.

اسباب رائحة القدمين الكريهة:
-عدم الاهتمام بنظافة القدمين باستمرار
-لبس نفس الشراب او نفس الحذاء في يومين متتاليين بدون الاهتمام بنظافتهم مع العرق الشديد
-الوقوف لفترات طويلة او التعرض لضغط عصبي بيعرض القدمين اكتر للعرق او للرائحة الكريهة
-بعض الادوية اللي بتتناولها ممكن تكون بتسبب زيادة العرق
-تناول الاطعمة الحارة زي الفلفل والبهارات والبصل والشطة بيزود من رائحة القدم الكريهة
لاحظ ان منطقة القدمين من اكتر المناطق في جسمك المعرضة للرائحة الكريهة لانها بتكون معظم الوقت متغطية ومش بتشوف النور بالاضافة للفتحات الصغيرة جدا اللي بين الاصابع اللي بتتعرق بسهولة وده بيسبب تراكم البكتريا اللي بتسبب الرائحة الكريهة للقدمين.

مين اكتر الاشخاص عرضة لرائحة القدمين الكريهة:
-الحوامل بسبب التغيرات الهرمونية اللي بتسبب زيادة افراز العرق
-المراهقين بسبب التغيرات الهرمونية اللي بتؤدي لزيادة افراز العرق
-الرياضيين بسبب وجود قدميهم لمدة طويلة في الحذاء

لاحظ ان عدم الاهتمام بنظافة القدمين وتعرضهم للتعرق ممكن يؤدي للاصابة بمرض القدم الرياضي.

نصائح للاهتمام بنظافة القدمين:
-اغسل قدميك مرتين في اليوم
-اهتم جدا بنظافة الفتحات الصغيرة اللي بين اصابع رجليك لانها معرضة جدا للعرق ويفضل استخدام القطن في تنظيفهم
-نشف رجليك كويس جدا بعد غسلهم
-استعمل الجوارب القطنية لانها بتمتص العرق
-بلاش تلبس نفس الشراب مرتين غير بعد غسله
-اهتم بنظافة الاحذية اللي بتلبسها ونظفها باستمرار علشان الرائحة الكريهة متتراكمش وتؤثر علي رائحة قدميك
-بلاش تلبس نفس الحذاء لمدة اطول من 3 سنوات .
-اهتم دايما باقتناء الاحذية القطن او الجلدية لانها بتسمح بتهوية القدمين
-ممكن بالنسبة للسيدات اللي بيكونو اكتر عرضة للعرق في الصيف انهم يقتنو الاحذية المفتوحة من قدام لانها بتسمح بتهوية اكتر للقدمين
-يفضل ان الحذاء يكون مرتفع شوية عن الارض علشان ماياخدش من التراب اللي في الشارع ويأثر علي نظافة الجوارب والاحذية
وبالتالي يؤثر علي نظافة القدمين ورائحتهم.
-لو كنت من النوع اللي بيتعرق بشدة ممكن تستعمل مزيل لرائحة العرق(لكن اطمئن انه مش بيمنع افراز العرق) لان عدم خروج العرق
بشكل طبيعي ممكن يسبب ارتفاع في درجة حرارة قدميك وبالتالي ممكن يسبب ظهور امراض.

علاج رائحة القدمين الكريهة:

لو كان الشخص اللي بيعاني من رائحة القدمين الكريهة ده عنده حالة مفرطة من التعرق ممكن الطبيب يوصفله بعض الادوية اللي بتعتبر مضادات للتعرق.

ازاي تتخلص من رائحة العرق:
-تناول الباذنجان بينظم افراز العرق فبالتالي بيحل مشكلة تعرق القدمين
-ضع قدميك في المية الدافئة واضف ليها قطرات قليلة من زيت اللافندرلمدة حوالي تلت ساعة وكرر الموضوع ده مرتين يوميا واستمر
فيه وزيت اللافندر بيساعد علي قتل البكتريا والجراثيم اللي بتسبب رائحة العرق.
-رش قليل من مسحوق الذرة علي قدميك قبل لبس الشراب والحذاء لان مسحوق الذرة بيساعد علي امتصاص الرطوبة
-ضع قدميك في الماء الدافئ وضيف ليها معلقة من مسحوق الشب لمدة ربع ساعة مرة يوميا لان مسحوق الشب بيخلص من رائحة العرق الكريهة
-افرك قدميك في الليمون لانه بيخلص قدميك من البكتريا وبيديهم رائحة منعشة
-اغلي قليل من الشاي وسيبه يهدا شوية وبعدين ضع قدميك فيه لانه بيساعد في قتل البكتريا الي جانب انه بيساعد في تقليل كمية العرق
اللي بتفرزها قدميك واستمر عليه لحد الرائحة ماتروح

انشرها

التعليقات مغلقه