اشترك
like Sofy on Facebook

التغلب على أرتفاع ضغط الدم

0

أصبح أرتفاع ضغط الدم من الأمراض الشهيرة واللى مش مقتصرة على كبار السن فقط وهو المسئول عن معظم حالات الوفاة المفاجأة و بيخلق مخاطر كبيرة زى الأصابة بالسكتة الدماغية و مرض القلب وأمراض الكلى و أمراض الأوعية الدموية والمفروض اننا نحاول نتجنبه أو لو كنت من المصابين فعلا بضغط الدم المرتفع فالأفضل اننا نتعامل معاه بصورة صحية ,خلينا نتعرف ازاى ممكن نتعامل معاه !

  • التغلب على أرتفاع ضغط الدم:

يسمى ضغط الدم المرنفع بالقاتل الصامت والمشكلة أن ممكن حد يصاب بأرتفاع ضغط الدم من غير ظهور الأعراض فمش بيكون عارف وده بيأثر على سرعة العلاج لكن التعامل معاه بعد أكتشافه مش صعب بس بيحتاج لوعى مننا عن المرض ومتابعته والتغييرات المطلوبة مننا علشان نتعامل معاه.

  • أنواع ضغط الدم:
  1. ضغط الدم الأولى:

وبيكون من الصعب تحديد أسبابه و بيميل للتطور التدريجى مع الزمن.

  1. ضغط الدم الثانوى:

بيظهر بشكل مفاجىء  وعادة ما بيكون نتيجة لمرض تانى  و بيسبب ضغط دم أعلى من ضغط الدم الأولى.

  • علاج أرتفاع ضغط الدم:
  • العلاج بالأدوية:

وده بيحدده الدكتور مع المريض على حسب حالة كل مريض و أفضل علاج ليه ومن أشهر الأدوية اللى بتستخدم لعلاج ضغط الدم:

  • مدرات البول.
  • مثبطات الانزيم المحول للانجيوتنسين(ace)
  • محصرات مستقبل الانجيوتنسين 2
  • محصرات المستقبلات البيتا (beta-blocker)
  • محصرات قنوات الكالسيوم
  • مثبطات الرينين(renin)
  • محصرات مستقبلات الالفا(alpha blocker)
  • محصرات مستقبلات الالفا-بيتا (alpha-beta blocker).
  • موسعات الأوعية الدموية.
  • العلاج عن طريق أتباع العادات الصحية:

تغيير أسلوب حياتنا اليومية و طبيعتها ممكن يكون هو الحل لعلاج أرتفاع ضغط الدم خلينا نتعرف على شوية نصائح مهمة:

  • التقليل من كمية الملح المضافة للطعام والبعد عن الأكلات كثيرة الملح زى الأسماك المملحة والمكسرات المملحة و الشيبسى و الكاتشب .
  • التقليل من تناول المأكولات الجاهزة و الوجبات السريعة و المعلبات و الأغذية المحفوظة.
  • تناول الأطعمة الغنية بالبوتاسيوم و زيادة تناول الفواكه و الخضروات الغنية بالألياف .
  • حصول الجسم على الكميات المناسبة من الكالسيوم و اللى بيكون متوافر فى منتجات الألبان.
  • تناول الكميات المناسبة من أوميجا 3و اللى بتتوافر بنسبة كبيرة فى الأسماك زى الماكريل و السالمون و التونة .
  • زيادة أستخدام الثوم فى الطعام أو الحصول عليه فى شكل حبوب.
  • الحد من تناول الكافيين و المشروبات الكحولية لأنهم بيعملوا على أرتفاع ضغط الدم بصورة كبيرة وبالرغم من أن شرب الشاى و القهوة بيساعد على زادة التركيز الاأنه كمان بيكون ليه أضراره وبيرفع ضغط الدم.
  • التوقف عن التدخين لأنه بيسبب أرتفاع ضغط الدم بشكل فورى بالأضافة لأنه بيأثر على صحة الشرايين وبيسبب تصلب الشرايين.
  • البعد عن التوتر و القلق و محاولة الأسترخاء و الهدوء.
  • المحافظة على وزن الجسم الصحى لأن السمنة المفرطة بتسبب أرتفاع فى ضغط الدم .
  • ممارسة التمارين الرياضية بأستمرار و محاولة المشى لمدة نصف ساعة يوميا لأن ده بيحافظ على معدل الضغط سليم وبيساعد فى تقليل الوزن.
  • الحصول على عدد ساعات النوم الكافى لراحة الجسم.
انشرها

التعليقات مغلقه