اشترك
like Sofy on Facebook

التعامل مع الطفل المصاب بالسكرى

0

أنتشر مرض السكر بصورة كبيرة ونسبة المصابين بيه بقيت مرتفعة وبدأت النسبة دى ترتفع كمان بشكل ملحوظ بين الأطفال المصابين بالسكر و أصابة الطفل بالسكر بتعرضه لخطورة الأصابة بأمراض تانية وبتفرض عليه محاذير و مسئوليات فى سن صغير وده طبعا بينعكس على نفسية الطفل وده بيخلى أى أم و أب فى تحدى كبير بسبب مشاعرهم تجاه طفلهم و مسئوليتهم الجسدية و النفسية تجاه طفلهم اللى لازم يساعدوه أن يتعايش مع المرض و يكمل حياته بصورة طبيعية,أتعرف معانا ازاى هتتعامل مع طفلك المصاب بالسكر .

  • أسباب أصابة الطفل بمرض السكر:

لحد دلوقتى مفيش سبب واضح لأصابة الطفل بمرض السكر لكن فى بعض العوامل اللى بتزود من خطورة الأصابة بمرض السكر وأهمها هو العامل الوراثى و العوامل الجينية أو نقص معين فى الفيتامينات وبيصاب الطفل بمرض السكر بسبب خلل فى أفراز البنكرياس للأنسولين .

  • أعراض الأصابة بمرض السكر عند الأطفال:
  1. نقص أو زيادة ملحوظة فى الوزن من غير سبب واضح.
  2. زيادة الشهية مع الأحساس المستمر بالجوع.
  3. كثرة التبول أو التبول اللاارادى .
  4. كثرة العطش و شرب الماء.
  5. حدوث مشاكل فى التنفس للطفل.
  6. الشعور بالأرهاق والتعب.
  7. عدم القدرة الكافية على التركيز .
  • أرشادات للتعامل الصحى و النفسى مع الطفل المصاب بالسكر:
  1. أول حاجة لازم الطفل يتعرف على المرض بدون تخويف على أنه عرض جانبى فى حياته و أنه مع شوية تعليمات بسيطة هيقدر يتعامل معاه و أنه مايقلش عن أى طفل وماينفعش من كتر القلق و الخوف عليه نحوله لمحور حياته.
  1. المتابعة المستمرة لتطورات المرض عند الدكتور بأستمرار والمداومة على حقن الانسولين و الأدوية فى مواعيدها.
  1. مساعدة الطفل فى أتباع نظام غذائى سليم و صحى بحيث أنه يحتوى على كل العناصر الغذائية و الصحية والسعرات الحرارية اللى هيحتاجها للنمو ولصحة جسمه.
  1. عدم تخويف الطفل من السكريات انما لازم تعليمه ازاى يتعامل معاها بشكل صحى و يقلل منها تدريجيا والأحسن الأستعاضة عنها بالفواكه وممكن كمان تناول الشوكولاتة بس تكون قطعة صغيرة مع مراعاة تنظيم كمية السكر اللى هيحتاجها  الجسم مع الدكتور على حسب الحالة.
  1. قياس نسبة السكر فى الدم بصفة مستمرة لمتابعة الحالة.
  1. تعليم الطفل ازاى يستخدم جهاز قياس السكر و ازاى يأخذ حقنة الأنسولين بنفسه طبعا لما يبقى سنه مناسب.
  1. تعليم الطفل ممارسة الرياضة بأنتظام و خليها جزء من أساس يومه لأنها هتساعده صحيا و هتحميه من السمنة اللى ممكن تسبب له مشاكل كبيرة .
  1. دعم الطفل المعنوية بأستمرار و تشجعيه على الأندماج فى المجتمع و تكوين صداقات والأندماج فى الأنشطة المختلفة و تكوين ذاته.

Share.

Comments are closed.