اشترك
like Sofy on Facebook

التشنج المهبلي..اسبابه وعلاجه

0

كتير من السيدات المتزوجات بيكون عندهم حالة التشنج المهبلي واكيد بتسببلهم مشاكل في العلاقة مع شريك الحياة  وهما ميعرفوش ايه ه اسبابها واعراضها وافضل وسايل علاجها . لو عايزين تعرفو ايه هو التشنج المهبلي وايه هي انواعه وايه هي اسبابه وافضل طرق علاجه تابعو معانا المقالة دي.
ايه هو التشنج المهبلي:
التشنج المهبلي ده مشكلة شائعة جدا بين السيدات اللي لسة متجوزين جديد وهو عبارة عن حالة من الخوف والتشنج بتحس بيها المرأة عند اي محاولة من الزوج انه يقرب منها في العلاقة الخاصة,وممكن التشنج ده يكون قاصر بس علي عضلات الحوض وممكن يكون شامل اجزاء ومناطق تانية في الجسم وبيكون مصحوب بشعور بحرقان او الم في عضلات المهبل اثناء ممارسة العلاقة الخاصة وبيحصل تضييق غير طوعي في عضلات المهبل وبينتهي الالم والشعور بالتشنج فور الانتهاء من ممارسة العلاقة وفي بعض الحالات بيستمر شوية بعد انتهاء العلاقة.

انواع التشنج المهبلي:
-التشنج المهبلي الاولي:ده بيحصل خلال المحاولات الاولي لممارسة العلاقة في بداية الجواز
-التشنج المهبلي الثانوي:وده ممكن يحصل بعد سنوات من الجواز بعد ممارسة العلاقة مرات كتيرة.

ايه هي اعراض التشنج المهبلي :
-الشعور بألم في المهبل مع بداية الايلاج في بداية ممارسة العلاقة وممكن ينتهي فور الانتهاء وممكن يستمر فترة.
-الشعور بعدم الراحة اثناء ممارسة العلاقة وعدم الرغبة في ممارستها.
في اعراض بتختلف بين سيدة والتانية:
-بعض السيدات مش بيكونو قادرين انهم يدخلو اي حاجة في المهبل وبعضهم بيقدرو و بيعملو فحص نسائي
-بعض السيدات بيتجنبو العلاقة وبعضهم بيمارسو العلاقة ولكن بيحسو بـألم شديد وده بيمنعهم من الشعور بالنشوة الجنسية
اسباب التشنج المهبلي:
-عادة الطبيب مش بيقدر يحدد ايه هو بالظبط سبب التشنج المهبلي لكن غالبا بيكون سبب هو الخوف من ممارسة العلاقة,وفي سيدات  بيحسو بالتشنج ده عند ادخال اي مادة في المهبل وتحت اي ظرف ومع اي شريك في العلاقة لكن في سيدات الوضع عندهم بيختلف من شريك للتاني وممكن يحسو بالتشنج ده عند ممارسة العلاقة كاملة لكن مايحسوش بيه عند ادخال سدادة قطنية في المهبل
-ممكن سبب التشنج يكون وجود عدوي في الاعضاء التناسلية
-جفاف المهبل اللي ممكن يحصل بسبب الوصول لسن اليأس
-اجراء جراحة سابقة في منطقة الاعضاء التناسلية او وجود مشكلة في الاعضاء التناسلية
-التهاب المسالك البولية
-الام الولادة الطبيعية او القيصرية  أواجراء عملية اجهاض
-التعرض لاساءة جسدية زي الاغتصاب
بعض الاسباب بتكون نفسية زي:
-وجود نفور بين السيدة دي وبين الطرف الاخر.
-التعرض للعنف او اي نوع من الاساءة من الطرف الاخر.
-القلق او المرور بتجربة نفسية سيئة.

علاج التشنج المهبلي:
-لو كنتي بتعاني من التشنج المهبلي اعملي الحاجات دي
-لازم تستشيري طبيبك عشان يوصفلك العلاج المناسب لحالتك
-ممكن تعملي شوية تمرينات رياضية في البيت تساعدك علي ارتخاء العضلات المحيطة بالمهبل زي: انك تضغطي علي العضلات اللي
بتساعدك علي التحكم في البول لمدة ثانيتين وبعد كده ترخيها. اعملي التمرين ده علي قد ما تقدري خلال اليوم.
-حاولي بعد ايام قليلة تتدربي علي انك تستخدمي موسعات وتدخليها في المهبل
-صارحي طبيبك بأي اسباب نفسية او عضوية بتخليكي تحسي بتشنج المهبل لان ده بيساعد في العلاج
-في اغلب الاحوال مش بيتم التدخل الجراحي لعلاج التشنج المهبلي وممكن يتم علاجه بالاعشاب الي جانب استخدام مسكنات للالم خلال فترة العلاج
-يفضل خلال فترة العلاج التوقف عن ممارسة العلاقة لتجنب اي الام تؤدي لصعوبة العلاج.
-علاج التشنج المهبلي عادة بيستغرق من اسبوعين ل 6 اسابيع
-لو كنتي عانيتي من التشنج المهبلي لفترة طويلة متقلقيش لان العلاج مش بياخد وقت طويل خصوصا لو التزمتي بتعليمات الطبيب المعالج بدقة واطمني انه بالعلاج مش هيرجع تاني,بالعكس هتحسي براحة وسعادة في العلاقة بعد العلاج.
-يفضل بعد انتهاء العلاج ممارسة العلاقة بانتظام مع الطرف الاخر

 

نصائح للازواج خلال فترة العلاج:
عليك انك تشجع زوجتك خلال فترة العلاج علشان ماتحسش باليأس ولازم تتحلي بالصبر وتتجنب الضغط علي زوجتك لان ده بيسبب تأخر وفشل العلاج وحاول دايما تحافظ علي علاقة مستقرة معاها لان ده بيساعدها اكتر في العلاج.

Share.

Comments are closed.