اشترك
like Sofy on Facebook

التسنين عند الاطفال

0

التسنين مرحلة طبيعية من مراحل نمو الطفل  وعلى قد ما بتبقى مثيرة لكل اب و ام لكنها بتكون صعبة سواء بالنسبة  للطفل بسبب الالم اللى بيشعر بيه او للاب و الام اللى بيكونوا مطالبين برعاية اكبر لطفلهم. اعرفوا اكتر عن المرحلة دى و ازاى تتعاملوا مع الطفل و تهتموا بيه فيها 

  • التسنين :

– التسنين هو مرحلة تكوين الاسنان الاولى للطفل و تسمى الاسنان اللبنية و عادة بتبدا فى الشهر 6 لكن الوضع الطبيعى مابين عمر 3-12 شهور و لما بيكمل الطفل 3 سنين بيكون تقريبا كل الاسنان اللبنية ظهرت و اللى بيكون عددها 20 .

– عادة الاسنان الامامية السفلية بتبدا فى الظهور قبل الاسنان الامامية العلية .

  • اعراض التسنين عند الاطفال :
  • بعض الاطفال ممكن تزيد عصبيتهم عن المعتاد وقت التسنين و ده بيكون سببه وجع و تورم اللثه قبل ما تظهر الاسنان و بيبدا من 3-5 ايام قبل ظهور الاسنان و بيختفى بمجرد كسر السن للجلد و ظهوره .
  • بعض الاطفال بيعضوا على اصابعهم او على اللعب علشان يتخلصوا من الام اللثة .
  • احيانا بيرفضوا الاكل او الشرب بسبب الالم .
  • زيادة اللعاب و اللى بدوره بيسب طفح جلدى على الذقن و الوجه او الصدر .
  • معظم اعراض التسنين بتكون خفيفة و مافيش اى داعى للقلق منها لكن زادت عن الطبيعى يفضل استشارة الطبيب .

 

  • مساعدة الطفل اثناء التسنين :
  • استخدام اصبع نظيف لفرك اللثة بلطف لمدة 2 دقيقة فى كل مرة لتهدئة الطفل .
  • وضع مواد امنة فى فم طفلك للمضغ زى حلقات التسنين و يفضل الباردة .
  • ممكن تفركى لثة الطفل بجل التسنين الخالى من السكر لكن بعد استشارة الطبيب للتاكد من سلامته على صحة الطفل  .
  • لو زاد الالم عن المحتمل و قررتوا اعطاء الطفل مسكن للالم لازم يكون محدد لعمر الطفل و يكون بعد استشارة الطبيب .
  • جربى و اعطى لطفلك قطع من الفاكهة و الخضروات ليمضغها لانه مع بداية ظهورالاسنان بيبدا الطفل فى المضغ و العض على انانه فيففضل انها تكون مواد صحية .

 

  • العناية باسنان الطفل :

من المهم الاهتمام بأسنان الطفل قبل حتى ظهورها فى الفم ودى مجموعة من النصائح اللى هتساعد الام علشان تعرف ازاى تعتنى باسنان طفلك :

  • تنظيف لثة الطفل يوميا باستخدام قطعة مبللة من الشاش قبل ظهور الاسنان .
  • بعد ظهور الاسنان اللبنية بيتم تنظيفها بعد كل وجبة بمسحها بقطعة قماش مبللة .
  • التقليل من كمية السكر اللى بياكلها الطفل او تبقى بين الوجبات علشان تحميه من تسوس الاسنان .
  • حافظى على عادة تنظيف الاسنان عند طفلك مرتين يوميا و خليه يتعلم الاهتمام بنظافة اسنانه .
  • ماتنسيش ان معجون الاسنان ممنوع بالنسبة للاطفال الرضع كفاية بس تنظيف اسنانه بالماء .

Share.

Comments are closed.