اشترك
Buy Neuth France products

الترامادول بين العلاج والادمان

0

موضوع الترامادول وهل هو مجرد مسكن للآلام ولا هو عقار له تأثير مخدر علي الجسم وامتي الترامادول بيبقي له تأثير سئ علي الجسم وكيفية علاج ادمان الترامادول كل دي امور اصبحت مثيرة للجدل في الفترة الاخيرة خصوصا بعد انتشار الترامادول كعقار مخدر بين الشباب في الوطن العربي عموما وفي مصر خصوصا.ومن خلال المقال ده هنساعدكم في معرفة دواعي استخدام الترامادول وازاي الجرعة تتاخد بشكل امن وكيفية علاج ادمان الترامادول لو تم استخدامه كعقار مخدر.

الحالات اللي تستدعي استخدام الترامادول:

-آلام المفاصل ومشاكل الاعصاب وآلام السرطان والاورام الخبيثة.

ازاي الجرعة تتاخد بشكل امن من غير مايكون ليها تأثير مخدر؟
بينصح الاطباء ان جرعة الترمادول ماتزيدش عن 400 ملليجرام في اليوم وده فقط في حالة آلام المفاصل الشديدة والآلام الشديدة لمرضي السرطان ويفضل استشارة الطبيب المعالج ،ومفيش اثبات ان العقار ده امن لكبار السن والحوامل والاطفال لذلك يفضل عدم تناوله بالنسبة ليهم.
ويفضل بعد استخدام الترامادول انك متبذلش مجهود شديد او تسوق العربية او تشيل حاجة تقيلة او انك تاكل اطعمة دسمة .
الاثار الجانبية للاستخدام السئ لعقار الترامادول:
-ضعف في وظائف الرئتين.
-الشعور بالدوخة(الدوار)
-رغبة شديدة في القئ
– آلام في الرأس
-الشعور بالضعف العام
-ارتفاع في ضغط الدم
-العصبية الزائدة
-الشعور برعشة
ازاي تعرف ان ابنك او حد قريب منك مدمن للترامادول كمخدر؟
اعراض ادمان الترامادول:
-وجود اضطرابات في عملية الهضم.
-ضعف في التركيز
-الشعور برعشة في الجسم
-العصبية الزائدة .
-ان الشخص ده يكون بيطلب فلوس كتير.

لاحظ ان تفادي اسباب الادمان افضل بكتير من علاج الادمان بعد حدوثه لذلك يفضل:

– الحفاظ علي جو اسري وعائلي مترابط
-حاول تحمي ابنك المراهق من انه يبقي عنده وقت فراغ طويل في الاجازة لان ده بيزود من احتمالية اتجاهه للادمان
-حاول تصاحب ابنك وتتعرف علي اصحابه لان كتير الاصحاب بيكون ليهم تأثير سئ علي بعض خصوصا اذا كانو متقاربين في السن        وبيقضو مع بعض وقت طويل.

علاج ادمان الترامادول :
-يفضل سواء كان الشخص مدمن للترامادول او مضطر لتناوله كعلاج لالام معينة انه يقلل الجرعة بالتدريج تحت اشراف دكتور معالج.
-كل ماكان العلاج بدري كل ماكان افضل.
-الانسان في مرحلة العلاج بيحتاج دعم معنوي ونفسي من اللي حواليه لان ده بيقوي عزيمته
-اسأل عن مصحة تكون سمعتها كويسة عشان تطمئن اكتر
-اسأل حد في دائرة معارفك يكون مر بالحالة دي لان اكيد تجربته هتفيدك .
-خليك عارف ان مسألة علاج ادمان الترامادول دي بتكون متعبة بعض الشئ خصوصا في البداية لذلك لازم الشخص اللي بيتلقي العلاج تكون عنده عزيمة وارادة ويقتنع انه بعد العلاج هيكون افضل بكتير .

امور تساعد في علاج  ادمان الترامادول:
-اللجوء لطبيب نفسي.
-النوم عدد ساعات معقول بيعالج الشعور بالصداع.
-شرب كمية معتدلة من القهوة بيخلص من الاحساس بالصداع.
-احساس الشخص المدمن بعد العلاج ان في هدف لحياته بينقذه من الانتكاسة
-اذا شعر الشخص بعد العلاج بالرغبة في تناول الترامادول تاني يجب انه يتشسر الطبيب المتخصص.

Share.

Comments are closed.