اشترك
like Sofy on Facebook

التبول اللاارادي للاطفال اسبابه وعلاجه

0

في مشاكل صحية كتير بتواجه اطفالنا في منها مشاكل بتكون عضوية وفي مشاكل ممكن تكون نفسية وتؤدي لامراض عضوية ومن الامراض دي التبول اللاارادي،اكيد طبعا الحكاية دي بتسبب احراج كبير للام والطفل خصوصا لو استمرت معاه بعد دخوله المدرسة واختلاطه الكتير بمدرسين وبأطفال تانيين من نفس سنه. اعرفو معانا ايه هي اسباب مرض التبول اللاارادي وطرق علاجه وامتي بيكون طبيعي وامتي بيكون دليل علي حالة مرضية تستدعي العلاج.

امتي بتكون حالة التبول اللاارادي طبيعية:
الطبيعي ان الطفل مش بيكون مدرب انه يدخل الحمام لوحده لحد سن 3 سنين تقريبا. بعض الاطفال بيستمرو في الحالة دي لحد سن 5 او 6 سنين تقريبا والمسألة دي بتختلف من طفل للتاني وفي نسبة قليلة جدا من الاطفال ممكن الطفل يتبول لاارادي لحد سن 12 سنة تقريبا.

اسباب التبول اللاارادي:
في اسباب عضوية ممكن تكون ليها علاقة بالنمو وفي اسباب تانية ممكن تكون نفسية.

الاسباب العضوية:
-ممكن يكون السبب  هو وجود عيب في تطور مثانة الطفل بيخليها معندهاش القدرة انها تحتفظ بالبول وتدي اشارة للمخ انه
يتفهم اشارات المثانة له الي جانب عدم قدرة الطفل علي التحكم في العضلة المسئولة عن غلق المثانة.
-في بعض الاحيان الجسم بيفرز مادة بتسبب تقليل البول اثناء النوم بالليل وممكن يكون ده محصلش لطفلك
-ممكن يكون في عوامل وراثية يعني لو احد والدي الطفل كان عنده تبول لا ارادي وهو طفل ممكن 50% من الاطفال يطلعو كده
-سوء التغذية عند الطفل اذا كان مش بياكل خضروات وفاكهة كتير ومش بيشرب مية باستمرار ممكن ده يسببله امساك و ممكن الامساك
يسبب التبول اللاارادي عشان كده لازم تاخد بالك من مستوي تغذية طفلك.
-ممكن طفلك يكون عنده مشاكل في التنفس هي اللي بتخليه ينام بصعوبة في بعض فترات الليل وينام بعمق اكتر في فترات تانية من الليل
علشان كده مش بيتنبه انه يقوم يدخل الحمام.
-ممكن التبول اللاارادي يكون سببه ان طفلك عنده عدوي المسالك البولية ،علشان كده لازم تاخد بالك من مسألة اذا كان طفلك بيشتكي
من حرقان في عملية التبول.
-كثرة تناول مشروبات المياة الغازية بيزود البول.
-لازم تتنبه لمسألة ان الشعور المتكرر لطفلك بالرغبة في دخول الحمام باستمرار والشعور المتكرر بالعطش ممكن تكون مؤشر لاصابته
بمرض السكر علشان كده لازم تهتم وتعملله تحليل وتطمئن اذا كان عنده السكر او لا.

الاسباب النفسية لمشكلة التبول اللاارادي:

-اهمال الوالدين وانشغالهم الدائم عن الطفل.
-وجود مشاكل دائمة بين الوالدين او وجود الطفل في اسرة مفككة.
-حدوث اي ظرف جديد في حياة الطفل زي دخول المدرسة
-المرور بتجارب صعبة زي فقدان حد بيحبه
-التعثر الدراسي وكثرة توبيخ الوالدين.

ازاي تساعد طفلك انه يتغلب علي المشكلة دي:
-ابعد عن توبيخ ولوم الطفل واعرف كويس انه طفل صغير ميقدرش يتحكم في كل تصرفاته وقدراته لسة محدودة
-خليه يعرف ان في اطفال كتير كده بيبقو كويسين مع الوقت ولو كنت انت بتعاني من الموضوع ده وانت طفل احكيله لان ده بيريحه
-بلاش تحكي المشكلة دي قدام حد من المقربين للطفل لان ده بيحرجه وممكن يخليه يشعر بالاحراج وحالته النفسية تسوء
-لو في مشكلة في البيت لازم تتعالج بسرعة ويتم توفير جو اسري هادئ للطفل
-التقليل من مشروبات المياة الغازية لانها بتزود البول
-نبه الطفل بهدوء انه يدخل الحمام كل ساعتين وممكن تصحيه بالليل تخليه يدخل الحمام لانه ممكن يتعود علي ده مع الوقت وينتبه لنفسه

علاج مشكلة التبول اللاارادي:
*العلاج في المنزل:
-الاعشاب الطبيعية المحلاة بعسل النحل ممكن تساعد في العلاج الي جانب ملعقة عسل قبل النوم.
-اضافة حبة البركة علي الاطعمة.
-مضغ عود قرفة قبل النوم.
*العلاج الدوائي:
بيكون من خلال الادوية البديلة اللي بتؤدي وظائف الهرمون المضاد لادرار البول والادوية دي بتعمل علي تقليل كم البول في المثانة.
لابد من استشارة الطبيب قبل اللجوء لاي دواء وايقاف الدواء تماما لو شعر الطفل بأي اعراض جانبية مش مظبوطة.

Share.

Comments are closed.