اشترك
like Sofy on Facebook

البواسير !!أسبابها…وأعراضها…وعلاجها

0

البواسير مرض بيعاني منه ناس كتير وفي الغالب بيعاني منه الكبار ،والبواسير هي أوردة منتفخة وملتهبة في المستقيم أو الشرج ،والبواسير هي واحدة من الأسباب لنزيف المستقيم. 

ممكن تكون البواسير داخل المستقيم (البواسير الداخلية) ،أو قريبة من فتحة الشرج (البواسير الخارجية). البواسير الداخلية بتكون داخل فتحة الشرج في بداية المستقيم وعادة مش بكون باينة ومش بنحس بيها .البواسير الخارجية بتكون في فتحة الشرج وبتبقى بارزة خارج فتحة الشرج. ممكن تكتشف البواسير من أعراضها ،والأفضل إنك تروح لدكتور من بداية ظهور أعراضها عشان متوصلش لمرحلة متأخرة .

من أسباب الإصابة بالبواسير:

– الإمساك والإجهاد أثناء التبرز

– زيادة الضغط الشرجي في الحمل

– الجلوس لفترة طويلة دون حركة

– الإسهال

– الزيادة في الوزن

إيه هى أعراض البواسير!!

– عدم الراحة في منطقة الشرج أثناء الجلوس

– الحرقان والحكة في منطقة فتح الشرج

– الإمساك والإجهاد أثناء التبرز

– الكتل الصلبة

– نزيف المستقيم

– التورم حول الفتحة الشرجية

– عادة ما تترك البواسيرالنزفية لوناً أحمر فاتح على ورق التواليت ، في البراز أو في حوض المرحاض.

إزاي نعالج البواسير ؟

– العلاج بالأدوية زي الكريمات والمراهم والبخاخات والتحاميل اللي بتحتوي على مخدر موضعي للألم ، أو كورتيكوستيرويد للحكة ، أوبتقوم بتضيق الأوردة المنتفخة والملتهبة لتقليل التورم .

– العلاج بإجرائات طبية بسيطة زي :

1- الربط بالشريط المطاطي : يضع الطبيب شريط مطاطي صغير حوالين البواسير ، فيوقف الدم اللي بينزف منها ،وفي خلال أسبوع ، بتجف الباسور وتتقلص وتسقط .

2- الحقن بمادة كيميائية : ودي بتؤدي إلى انكماش البواسير .

3- علاج البواسير بالليزر أو الأشعة تحت الحمراء: وده بيقوم بتصلب وذبول البواسير الصغيرة النزفية والداخلية.

العلاج الجراحي للبواسير بيكون إما عملية استئصال البواسير وبيتم فيها التخلص من الأنسجة الزائدة اللي بتسبب النزيف ،أو عملية تقصير البواسير ودي بتهدف لمنع تدفق الدم إلى أنسجة البواسير وتستخدم فقط في حالة البواسير الداخلية ؛لكن مشكلة العمليات دي إنها بتسبب صعوبة في إفراغ المثانة بشكل كلي والتهابات في المسالك البولية .

الوقاية من البواسير :

العلاجات الطبية فعالة ، ولكن لازم تغيرنظامك الغذائي ونمط حياتك ، علشان مترجعش البواسير مرة تانية وده من خلال :

– تجنب الجلوس لفترات طويلة من الزمن.

– تناول الأطعمة الغنية بالألياف ، زي الفواكه الطازة والخضروات والحبوب .

– شرب مية كتير

– ممارسة التمارين الرياضية بانتظام

انشرها

التعليقات مغلقه