اشترك
Buy Neuth France products

البرتقال نجم فواكه الشتاء

0

البرتقال هو نجم الفواكه المتالق كل شتاء بنلاقى دائما بيتصدر اطباق الفاكهة و العصائر وده نتيجة لطعمه الجميل و المحبب عند اغلبية الناس و كمان لفوائده الصحية العالية و دوره اللى محدش بينكره فى مقاومة البرد والانفلونزا و على الرغم من بساطة ثمن البرتقال لكنه بالنسبة للاطباء و اخصائيين الصحة هنلاقى ان سعره ما يتقدرش بثمن .اعرفوا معانا فى الموضوع ده كل حاجة عن فوائد البرتقال .

 

بيحتوى البرتقال على نسبة كبيرة من الفيتامينات و الاملاح المختلفة والبوتاسيوم و الحديد و الكالسيوم و ده بياهله للدور الكبير اللى بيقوم بيها لصحة الجسم :

  • بيحتوى البرتقال على فيتامين c وده بيخلىيه فى مقدمة الاغذية اللى بتقاوم و بتساعد فى علاج البرد و الانفلونزا .
  • للبرتقال دور كبير فى تدعيم الجهاز المناعى و سرعة التئام الجروح و امتصاص الحديد .
  • بيحتوى البرتقال على نسبة كبيرة من الالياف الغذائية اللى بتحفز الجهاز الهضمى و بتسهل عملية هضم الطعام وبالتالى بيقلل من الامساك  وبيقلل من امراض الجهاز الهضمى.
  • للبرتقال دورفى حماية الجسم من امراض القلب و تصلب الشرايين و تعزيز وظائف القلب و التحكم فى معدل ضرباته وفى تنظيم ضغط الدم وفى خفض مستوى الكوليسترول السىء فى الدم .
  • بيساعد البرتقال فى حماية الجسم من الاصابة بكتير من انواع السرطانات زى سرطان المعدة و الجلد و الرئة و الثدى و المعدة و القولون و الكبد .
  • بيحتوى البرتقال على فيتامين ا اللى بيخليه يعمل على تقوية انسجة الجسم و الحماية من حصوات الكلى .
  • البرتقال غنى بالكالسيوم اللى بيساعد فى تقوية العضلات والحفاظ على صحة الاسنان وبيحمى من الاصابة بهشاشة العظام .
  • بيعمل البرتقال على تنظيم مستوى السكر فى الدم .
  • للبرتقال دور فى حماية صحة العيون لانه غنى بمركبات الكاروتين اللى بتساعد فى المحافظة على الرؤية و بتحمى العين من كتير من الامراض .
  • للبرتقال دور جمالى فى المحافظة على جمال البشرة وحمايتها و تاخير ظهور تجاعيد البشرة .

Share.

Comments are closed.