اشترك
Buy Neuth France products

الاهتمام بنظافة الاذن

0

كتير جدا بنتهتم اوي بنضافة ايدينا علشان نتجنب العدوي وطبعا وشنا علشان ده اكتر حاجة الناس بتشوفها ,بس للاسف كتير من الناس بيهملوا الاهتمام بنضافة ودانهم لانها منطقة مش باينة ,لكن الاهمال في نضافتها ممكن يسبب مشاكل كتيرة وروايح منفرة جدا لصاحبها واكيد بتسببله احراج كبير خصوصا في حالة وجود شريك له في اوضة النوم او وهو بيسلم علي الناس عن قرب غير طبعا الحكة في منطقة الاذن,تابعونا لو عايزين تعرفوا ازاي تتجنبوا الروايح الكريهة في منطقة الاذن وتحافظوا علي نضافتها.

طرق العناية بنظافة الاذن:
-تنضيف الاذن من الشمع من خلال استخدام القطرات المذيبة للشمع او قطرات قليلة من زيت الزيتون في كل اذن لدقايق قليلة وبعدين شطف كل اذن بمية دافية والاهتمام بتجفيفها كويس جدا.
-الاهتمام بتنضيف داخل الاذن بقماشة مبللة بمية دافية بدون ادخال الصباع كله في الاذن لان ده بيسبب تراكم الشمع,ممكن ادخال القماشة بلطف باستخدام طرف الصباع الصغير وبعدين تجفيف الاذن بفوطة ناعمة ونضيفة.
-تنضيف المنطقة اللي تحت الاذن وفركها باستمرار بقماشة دافية ومية وصابون وتجفيفها بلطف باستخدام قماشة او فوطة ناعمة.
-في حالة اذا كان عندك حكة او حساسية او اي مشكلة جلدية يفضل تجفيف الاذن باستخدام مجفف الشعر(السيشوار) بدل القماش او الفوطة.
-ضروري جدا الاهتمام بتجفيف الاذن وتحت الاذن بعناية بعد شطفها لان عدم الاهتمام بتجفيفها بيسبب روايح كريهة.
-الاهتمام بنضافة سماعات الاذن(الهاند فري)بعد كل استعمال لان عدم الاهتمام بنضافتها بيسبب تراكم الشمع فيها وبيزود شمع الاذن.
-الاهتمام بنضافة الحلقان للبنات والسيدات لان الاهمال في نضافتها بيسبب تراكم الروايح الكريهة فيها.

Share.

Comments are closed.