اشترك
Buy Neuth France products

الإسترتش ماركس أو علامات التمدد

0

علامات التمدد أو الإسترتش ماركس هى مشكلة جمالية تؤثر على جمال جسمك و جاذبيتك وهى مشكلة مزعجة لكتير من السيدات على الرغم من إنها مشكلة بيتعرض لها الرجال والنساء على حد سواء تعرفى معانا أكتر على علامات التمدد اسبابها وطرق علاجها والوقاية منها

يعنى إيه علامات التمدد أو الإسترتش ماركس ؟

هى علامات أو تشققات صغيرة بتظهر فى مناطق مختلفة فى الجلد  بسبب حدوث تغيرات معينة فى شكل الجسم ، علامات التمدد بتحصل فى طبقة الأدمة وهى طبقة وسطى مرنة فى الجلد ، مع تمدد الجلد بسبب عوامل مختلفة زى الحمل أو السمنة الطبقة الخارجية بتبدأ فى التمزق مسببة ظهور بعض الأوعية الدموية الحمراء الموجودة تحت طبقة الجلد الخارجية ومع الوقت بيتحول لونها للون الأبيض أو الرمادى ، ومن أشهر الأماكن إللى بتظهر فيها علامات التمدد أو الإسترتش ماركس : البطن وأعلى الذراعين و أسفل الظهر والفخذين و الصدر

أسباب ظهور الإسترتش ماركس أو علامات التمدد :

  • زيادة الوزن بشكل مفاجئ أو السمنة:

السمنة تعتبر من أهم الأسباب المؤدية لحدوث علامات التمدد وخصوصا فى أماكن تركز الدهون فى الجسم ، زيادة الوزن السريعة ممكن تزود من المشكلة

  • مرحلة المراهقة :

و سبب كدة هو عدم قدرة الجلد فى بعض الأحيان على تحمل طفرات النمو إللى بتحصل بسبب المرور بمظاهر البلوغ

  • رفع الأثقال :

الأشخاص المهتمين بتكوين عضلات فى فترة قصيرة زى الرياضيين من الممكن تحصللهم علامات تمدد فى بعض مناطق الجسم ، بسبب نمو العضلات بشكل مفاجئ و بطريقة أكبر من قدرة الجلد على تحملها

  • الحمل و الولادة :

الحمل هو أكثر الأسباب الشائعة لحدوث الأسترتش ماركس عند معظم السيدات بسبب تمدد طبقة الجلد عند منطقة البطن ، و من الممكن ظهور علامات جديدة مع كل عملية ولادة

  • أسباب هرمونية :

عدم التوازن الهرمونى يعتبر من أسبابا ظهور الإسترتش ماركس أو علامات التمدد فى الجسم

على الرغم من وجود أسباب مختلفة لظهور علامات التمدد فمن الممكن أن تظهر علامات تمدد فى الجسم بدون أى سبب محدد

طرق العلاج :

فى كتير من الطرق العلاجية إللى ممكن تساعد فى تخفيف المشكلة لكن مفيش أى علاج فعال فى علاج الإسترتش ماركس بنسبة 100% . نسبة النجاح تعتمد على لون الإسترتش ماركس نفسها فإذا كانت باللون الوردى يكون من السهل علاجها أما فى حالة إهمالها وتحولها للون الأبيض بيكون من الصعب علاجها  .

العلاج بيتضمن :

  • التقشير الكيميائى أو الفراكشنال ليزر ودة فى الحالات الشديدة
  • الزيوت والكريمات المختلفة زى الكريمات المحتوية على الريتين –أ و الجلايكوليك أسيد والكريمات المحفزة لإنتاج الكولاجين فى الجسم ، من الممكن للزيوت والكريمات إنها تساعد فى تخفيف الإسترتش ماركس مع مرور الوقت ولكن بتكون فعالة بس مع علامات التمدد الوردية

طرق الوقاية من الإسترتش ماركس أو علامات التمدد :

لأن الوقاية خير من العلاج اتباعك لبعض النصايح البسيطة ممكن يحمى جلدك من علامات التمدد :

  • استخدمى دهان موضعى يحتوى على فيتامين e على المناطق المعرضة أكتر للإصابة بالإسترتش ماركس زى منطقة البطن فى فترة الحمل
  • اشربى كميات كبيرة من الماء عشان تحافظى على ترطيب جسمك من الداخل
  • تجنبى شرب الكحوليات والمشروبات المحتوية على الكافيين لأنها من مدرات البول وبالتالى بتفقدك كتير من الماء اللى جلدك محتاجها
  • اهتمى بتناول الخضروات والفواكه باستمرار لأنها بتساعد الجلد على البقاء فى مظهر صحى وقوى
  • اهتمى بترطيب جلدك باستمرار بمرطب مناسب للحفاظ على مرونته

 

Share.

Comments are closed.