اشترك
like Sofy on Facebook

الأهتمام بالتوأم

0

وجود طفل معناه زيادة المسئوليات وأهتمام كبير من الأم علشان تهتم بأحتياجات الطفل سواء النفسية أو المادية فيا ترى أيه هيكون الوضع لو كانوا توأم و بيحتاجوا لأهتمام وعناية مضاعفيين علشان توفرى الرعاية اللازمة  لأطفالك ,فى كتير  من المعلومات المفيدة للتعامل مع الأطفال التوأم .أعرف أكتر عنها.

  • الأهتمام بالتوأم :

العلاقة بين التوأم بيكون ليها غموض و سر جميل ووجودهم مع بعض بيكون سبب فرحة وبهجة حتى من غير أسباب

لكن  فى نفس الوقت بيشكل مسئولية كبيرة بالنسبة للأم وبتحتاج تتعرف ازاى تتعامل معاهم و تحافظ على جمال العلاقة دى من غير تتسبب فى أى مشكلة ليهم .

  • أرشادات للتعامل مع التوأم:
  • جهزى نفسك لأستقبالهم:

الأهتمام بطفلين فى نفس العمر بالضبط صعب و بالذات فى  البداية لازم من البداية تكونى منظمة وقتك و محددة جدول وتتقاسمى المسئوليات مع جوزك أو والدتك أو حد قريب منك علشان يتوفر لكل طفل منهم الرعاية اللى محتاجها وممكن كمان مع الأطباء و المختصين ازاى ممكن تهتمى بيهم.

  • الأهتمام بكل واحد بصورة منفصلة:

صحيح أن التوأم بيكونوا مرتبطين لكن كل واحد بيكون محتاج أهتمام بشكل خاص فمن الضرورى تخصيص وقت لكل واحد منهم على حدة علشان تقوى العلاقة ما بينك و بين طفلك.

  • التوأم شخصين مستقلين :

أيوة طبعا فى تشابه فى البصمة النفسية  أو الطابع النفسى بين التوأم و ممكن يكون فى تشابه بين الشخصيات لكن لازم تراعى بأستمرار أنهم شخصين لكل واحد ميوله و شخصيته المنفصلة :

  1. متفرضيش عليهم نفس اللبس و الألوان لكن سيبى كل واحد فيهم يختار الألوان اللى بيحبها و يعبر عنها.
  1. عدم مقارنة الطفلين ببعض فى الدراسة و المذاكرة لأن لكل واحد مستوى دراسى انما المفروض تقارنى كل واحد فيهم مع نفسه .
  1. تعاملى مع هوايات كل واحد فيهم على حدة و شجعى كل واحد على أختيار الألعاب اللى بيحبها.
  1. لازم أنت اللى تعوديهم ازاى يكونوا مختلفين و يكون لكل واحد فيهم ميول مختلفة عن التانى.
  1. ابدأى نادى كل واحد منهم بأسمه الخاص و عوديه على كده.
  1. ما ينفعش أن الأب ينشغل بواحد و الأم بالتانى انما لازم كل واحد فيهم يأخذ حقه من رعاية و أهتمام الوالدين.

Share.

Comments are closed.