اشترك
Buy Neuth France products

اقبل نفسك

0

حاسس ان ناقصك كتير و ان فيك عيب و انك خجلان من نفسك لغلط ملكش فيه اى ذنب ؟ غلطان انت زيك زى اى شخص  عندك بس ظروف مختلفة زى اى حد بالعكس ممكن كمان يكون عندك قدرات خاصة مش موجودة عند حد لكن انت مش شايفها بسبب النظارة السوداء اللى انت لابسها . اقرا معانا الموضوع ده علشان تقدر تعرف ازاى تحب نفسك و تساعدها

اقبل نفسك :

  • كل نجاح او تطور مصدره هو الذات والعلاقة السليمة بيها و طريقة تفكيرك و تقبلك لنفسك زى ما هى بكل ما فيها من افكار و قدرات سواء كانت كبيرة او محدودة يعنى ( ده انا وده كويس ) هقبله كده و هطور اللى اقدر عليه .
  • اتعود على انك ماتحسش باى نوع من النقص بسبب المجتمع , لان فعلا المجتمع بيكون كتير تاثيره سلبى مش لمشكلة حقيقية فيك لكن لعيب و اعاقة عقلية و فكرية فى المجتمع .
  • ابعد عن الافكار و الاشخاص السلبيين اللى هيكون ليهم تاثير سلبى عليه او ممكن يجرحوه و يقللوا من قيمته .
  • قدم لكل اللى حواليك الحب و حاول انك تساعدهم و تكون مصدر الهام ليهم انهم يتغيروا و يتغلبوا على اى ضعف .
  • خليك ايجابى و اخرج من النظرة القاصرة للذات كاداة تخليك محط اعجاب او اشمئزاز او وسيلة للحكم عليك و فكر بطريقة اعمق فالتفكير ناحية الاهداف و الانجازات والافكار اهم و اشمل .
  • خليك و اثق فى نفسك و فى قدراتك الذاتية انك هتكون جزء فى المجتمع و جزء مهم يقدر يغير و يطور .
  • حدد ايه هى القدرات المميزة و الابداعية اللى انت بتملكها و شوف ازاى ممكن تطورها و تنميها عن طريق البرامج التعليمية المختلفة .
  • دور على المهنة اللى هتساعدك على الحياة و هتخليك تقدر تنمى و تطور الموهبة اللى بتمتلكها .
  • اتعب على نفسك و ماتتاثرش بالعقبات و خليك متاكد ان هيكون ليك مكان متميز فى النهاية بعد المجهود اللى هتقوم بيه .

 

  • اشهر متحدى الاعاقة :

كتير من الشخصيات قدرت انها تتواجه مع كل العقبات اللى كانت بتواجهم و اللى قضت على كتير غيرهم بسبب الياس و مش بس حققوا النجاح لنفسهم لكن قدروا انهم يكونوا نقط فاصلة فى تاريخ المجتمع كله :

  1. لويس برايل كان كفيف و مع ذلك اخترع طريقة برايل للمكفوفين علشان يقدروا يتعلموا و يفيدوا كل المجتمع اللى حواليهم .
  2. العالم البريطانى ستيفن هاوكنغ مقعد على كرسى متحرك و قدر انه يحوز على اكبر منصب فى الرياضيات كان بيشفله العالم الشهير نيوتن .

 

  1. هيلين كيلر اللى بتعتبر اعجوبة لانها كانت مصابة بالصم و البكم و العمى و مع ذلك اتعلمت اكثر من لغة زى الانجليزية و الفرنسية و الالمانية و اللاتينية و كملت دراستها الجامعية وكان ليها كتب و مؤلفات .

 

Share.

Comments are closed.