اشترك
Buy Neuth France products

افضل الاغذيه لصحة قلبك

0

القلب هو مضخة الدم لكل الجسم وهو عنوان الحياة للأنسان لأنه واحد من أهم الأعضاء الموجودة فى الجسم فبمجرد ما بيتعب أو يتعب جزء فيه فده بيأثر على صحة  الجسم كله و ممكن يحتاج الأنسان للتدخل الجراحى و أستعمال كتير من الأدوية فالأفضل من البداية أننا نحافظ على صحة القلب سليمة بدل ما نضطر لكل ده.أتعرفى معانا على أفضل الأطعمة لصحة القلب علشان تحمى قلبك و تتجنبى أصابته بأى مرض.

 

  • أفضل الأطعمة لصحة قلبك:
  1. الأعشاب الطازجة:

الأعشاب زى روز مارى و المريمية و التوابل و الزعتر اللى بيحتوا على مضادات الأكسدة , لما بيضافوا للأكل بيحولوه لآكل صحى للقلب .

  1. الفاصوليا السوداء:

اللى بتحتوى على حمض الفوليك ومضادات الأكسدة و المغنيسيوم و الألياف وده بيساعد فى السيطرة على الكوليسترول و مستويات السكر فى الدم.ومنها كمان المعلبة ودى سهل انها تتضاف للشوربة و السلطات و دى بتقلل من الصوديوم

  1. السالمون :

وهو من أهم الأطعمة لصحة القلب وغنى بأوميجا 3 وEPA وDHA ,أوميجا 3 بتقلل من خطر اضطرابات ضربات القلب و بتقلل من ضغط الدم وبيقلل السالمون من الدهون الثلاثية فى الدم,وممكن كمان الحصول على الأوميجا 3من التونة و الماكريل و السردين.

  1. زيت الزيتون:

وهو غنى بمواد مضادة للأكسدة مثل البوليفينول ودى بتحمى الأوعية الدموية ده غير انها مصدر جيد للدهون غير المشبعة الأحادية وهى أفضل من الدهون المشبعة لمستوى الكوليسترول وده طبعا بينعكس على صحة القلب .

  1. عين الجمل:

تناول حفنة صغيرة من عين الجمل يوميا بيقلل الكوليسترول وبيخفف الألتهابات فى شرايين القلب لأنها غنية بأوميجا 3 و الدهون غير المشبعة الأحادية و الألياف.

  1. اللوز:

غنى بالألياف و الدهون الصحية للقلب وبيساعد اللوز فى تقليل نسبة الكوليسترول السىء (LDL)

  1. البرتقال:

بيحتوى على  الألياف البكتينية المقاومة للكوليسترول زى البوتاسيوم اللى بيساعد فى التحكم فى ضغط الدم والأبحاث بتوضح أن عصير البرتقال بيقلل من ضغط الدم و بيساعد الأوعية الدموية على العمل بشكل جيد.

  1. الخضروات الورقية غامقة اللون:

وهى بتكون غنية بالبوتاسيوم و الماغنسيوم و المعادن اللى بتساعد فى التحكم بضغط الدم ,ده غير أحتوائها على الألياف و فيتامين A  و مضادات الأكسدة.

  1. الجزر:

بيساعد فى التحكم فى معدل السكر فى الدم و بيقلل من خطر الأصابة بالسكر وبيعمل على التحكم فى مستوى الكوليسترول .

  1. حبوب الشعير:

بيحتوى على الألياف اللى بتقلل مستوى السكر فى الدم وبتقلل من معدلات الكوليسترول فى الدم.

  1. الشوفان:

الشوفان بكل أنواعه و أشكاله بيساعد فى حماية القلب من الأمراض و بيقلل الكوليسترول الضار(LDL) وبيحافظ على ثبات معدلات السكر فى الدم .

  1. البذور:

البذور غنية بعدة عناصر مفيدة للقلب زى الألياف والمواد الكيميائية النباتية و الأحماض الدهنية أوميجا 3.

 

  1. بعض الزيوت النباتية ولبن الصويا و لبن اللوز:

بيعملوا على تقليل الكوليسترول وتمنع أمتصاص الكوليسترول فى الأمعاء وبيخفض فى مستويات LDL بنسبة 10% من غير ما يأثر على الكوليسترول الجيد.

Share.

Comments are closed.