اشترك
Buy Neuth France products

اعملي باديكير في البيت ب9 خطوات

0

الاهتمام بجمال الضوافر حاجة بتشغل تفكير بنات وسيدات كتير وطبعا من اهم اساسيات الاهتمام بجمال الضوافر عمل الباديكير والمانيكير,بس طبعا مش كل البنات والسيدات عندهم الوقت الكافي او الرفاهية المادية انهم يرورحوا يعملوا باديكير ومانيكير عند الكوافير غير طبعا الخوف من ان يحصللهم جرح  او خدش اثناء عمل الباديكير,علشان كده احنا هنقدملكم طريقة بسيطة وسهلة تعملوا بيها الباديكير والمانيكير في البيت بسهولة وطبعا من غير تكلفة كبيرة زي اللي بيكلفها ليكم عمله في الكوافير.

ايه هي الحاجات اللي هتحتاجيها لعمل الباديكير في البيت؟
الاسيتون,المبرد,المقص او القصافة ,كريم تقشير,كريم مرطب,مقوي للضوافر.

خطوات عمل البادكير في البيت:
1-شيلي اي اثار لاي مانيكير قديم في ايديكي او رجليكي بالاسيتون.
2-حطي ايديكي و رجليكي في مية دافية وصابون او مية وملح لمدة15 دقيقة(بلاش المية السخنة جدا لانها بتسبب جفاف الجلد)لان ده بيخليهم ناعمين ومظهرهم جميل وبيحميه من الجفاف والتشقق وممكن تستعملي حجر تنعيم الكعب جنب المية والصابون وبدليه بين رجليكي الاتنين.
3-استعملي فرشة لتنضيف الضوافر وعود برتقال للتخلص من الجلد الميت.
4-استعملي كريم او لوشن مرطب للجلد من اللي متوفر في الصيدليات لترطيب ايديكي و رجليكي ويفضل انك تحطيه بشكل دائري لان ده  بيساعد في تنشيط الدورة الدموية في ايدكي ورجليكي .
5-استعملي فوطة دافية في تجفيف ايدكي و رجليكي بعد استعمال الكريم.
6-حطي ايديكي و رجليكي في المية تاني لشطفهم وبعدين استعملي كريم التقشير الخاص بالبشرة لتقشير منطقة الكعبين.
7-قصي الاطراف الزيادة من ضوافرك بالمقص او القصافة بشكل مستقيم وبلاش تقصي اطراف جوانب الضوافر واستعملي المبرد في تنعيم اطراف الضوافر.
8-استعملي قطنة علشان تنشفي بيها ضوافرك وبعدين حطي طبقة من مقوي الضوافر عليهم واستنيها لحد ماتنشف تماما.
9-حطي طبقة اساسية من المانيكير وبعدين حطي عليها طبقة تانية او اكتفي بطبقة واحدة منه علي حسب اللي انتي عايزاه وسيبي ضوافرك لحد ماتنشف.

كرري الموضوع ده مرة في الاسبوع او مرتين  في الشهر وهتستمتعي بمنظر جميل لضوافر ايديكي ورجليكي بدون ماتحتاجي انك تروحي للكوافير كل شوية وتضيعي وقت وتصرفي فلوس كتيرة.

Share.

Comments are closed.