اشترك
Buy Neuth France products

اعرف اكتر عن الانيميا

0

الانيميا هي من اكتر امراض العصر المنتشرة حاليا عند ناس كتير،اعرفوا معانا عن الاسباب المتنوعة للاصابة بالانيميا وايه هي اشهر اعراضها وامتي بيكون ضروري اللجوء للدكتور بخصوص حالة الانيميا وايه طرق علاجها.

*
ايه هي الانيميا:
الانيميا هي عبارة عن نقص في خلايا الدم الحمراء اللي بتحمل الاكسجين للجسم كله,خلايا الدم بيكون فيها نقص في الهيموجلوبين اللي هو البروتين اللي بيخلي الدم يبقي لونه احمر,وده بيخلي الاشخاص اللي عندهم انيميا بيكون عندهم صعوبة في ضخ الدم للجسم كله وده بيسبب الاحساس بالاجهاد وضيق التنفس.

*اسباب الانيميا:
-سوء التغذية ونقص الحديد.
-فقدان كمية كبيرة من الدم في حالة زي الدورة الشهرية عند السيدات او التعرض لجروح.
-السيدات الحوامل بيكونوا عرضة اكتر للانيميا.
-بعض الاسباب الوراثية.
*اعراض الانيميا:
اعراض الانيميا بتختلف علي حسب سبب الاصابة .

*اعراض انيميا نقص الحديد:
-شحوب في الوجه.                           –تكسر في الضوافر.
-شعور بالاجهاد مع صداع.                  –قصر في النفس.

*اعراض انيميا نفص فيتامين ب 12 :
-الشعور بوخز او تنميل في الايدين والرجلين.
-صعوبة في حفظ توازن الجسم اثناء المشي.
-بعض الاحاسيس السلبية زي الاكتئاب وضعف الذاكرة.
-التهاب وألم في اللسان.

*اعراض الانيميا الناتجة عن التسمم المزمن:
-شحوب في لون اللثة.                     –امساك.
-الام في البطن.                            –تعب وصعوبة في التركيز.

*اعراض الانيميا الناتجة عن التدمير المزمن لخلايا الدم الحمراء:
-اصفرار في لون الوش والعينين.
-قرحة في الرجلين.                       -تغير لون البول للون الاحمر.

*اعراض انيميا الخلايا المنجلية:
-الاجهاد المستمر.                         -الام في المفاصل والاطراف والبطن.
-مشاكل في النمو عند الاطفال.


*اعراض الانيميا الناتجة عن التدمير المفاجئ لخلايا الدم الحمراء:
-الم في البطن.                                  –تغير لون البول للاحمر.
-اصفرار في لون الجلد.                       –مشاكل في الكلي.

*امتي لازم تستشير دكتور:
لازم تاخد رأي الدكتور في حالة انك تحس بأي من اعراض الانيميا زي:
-صعوبة في التنفس،سرعة في ضربات القلب،شحوب في لون الجلد.
-قرحة،تغير لون البول،التهاب المعدة او البواسير،سرطان القولون او المستقيم.

*وبرضه لازم تهتم انك تتابع مع دكتور في حالات زي:

-زيادة نزيف الدورة الشهرية عند السيدات والبنات.
-في حالة السيدات الحوامل او اللي في انتظار الحمل.
-وجود تاريخ وراثي للاصابة بالانيميا في عيلتك.
-شعورك المستمر بالاجهاد وصعوبة التنفس.

*علاج الانيميا:

-تناول الاكلات الغنية بالحديد.
-النوم عدد ساعات كافية والبعد عن مسببات الارق.
-في حالة انيميا البحر المتوسط بيتم نقل الدم للمريض علي حسب نقص نسبة الهيموجلوبين عنده.
-في حالة انيميا الفول لازم تجنب الفول والبقوليات بأنواعها زي العدس والبسلة والحمص.

Share.

Comments are closed.