اشترك
like Sofy on Facebook

اعرف أكتر عن الدهون جوة جسمك

0

كلنا بنشوف إن الدهون مضرة لينا جدا، ولازم نبعد عنها، لكن الحقيقة غير كدة. اعرف اكتر لما تقرا الموضوع ده.

تعرف أنك عشان تفقد رطل واحد من الدهون (حوالي نصف كيلوجرام )، محتاج تحرق 3500 سعر حراري، برغم كدة أنت محتاج لوجودها في جسمك

إيه أهمية الدهون جوة جسمك ؟

الدهون بتقوم ب3 وظائف مهمة جدا:

  • بتخزن الطاقة اللي بنحصل عليها من الأكل عشان نقدر نستخدمها
  • بتحمي أعضاء الجسم الداخلية
  • بتساعدنا في الشعور بالدفىء

لكن الزيادة في كم الدهون في الجسم بتؤدي لأمراض كتير زي أمراض القلب، السكري والضغط وكمان العقم

إيه هي أخطر مكان لتخزين الدهون ؟

منطقة البطن،الدهون الزائدة في منطقة البطن ممكن تؤدي للإصابة بالنوع التاني من السكري وأمراض تانية كتير.

عشان كدة بيفضل إنك تتابع دايما مقاس منطقة البطن بحيث يكون مقارب ل 102 سم للرجال و90 سم للسيدات

طيب لو محتاج أقلل دهون البطن، أعمل إيه؟

بيفضل إنك تستمر في عمل تمارين للجسم كله بصورة منتظمة ومتركزش على منطقة البطن فقط، وبيفضل يكون ليك نظام غذائي صحي بجانب النشاط البدني.

وخلي بالك، متحاولش تخسر أكتر من كيلوجرام في الأسبوع عشان تقدر تحافظ على الوزن اللي محتاج توصله ومترجعش تزيد تاني في الوزن

هل بتكون خسارة الوزن أصعب عند السيدات ؟

طبعا وده لسببين :

  • بيتمتع الرجال بكتلة للعضلات أكبر من اللي عند السيدات، كمان معدل الحرق عندهم يكون أعلى
  • الهرمونات الأنثوية بتعزز تخزين الدهون خصوصا في منطقة البطن والأرداف وهي المناطق صعبة في عملية التخسيس

ورغم كل ده خلي بالك، أوعى تستغنى عن الدهون :

  • لأن كل جسمك بيحتاج لوجود الدهون،حتى الشعر لأن الأحماض الدهنية الموجودة فيه بتكسبه المظهر اللامع والصحي
  • أثبتت بعض الدراسات الخيرة إن استقطاع الدهون من النظام الغذائي للراغبين في إنقاص الوزن بيصعب عملية الحفاظ على الوزن المرغوب فيه و اكتساب الكتير من الوزن مرة تانية

Share.

Comments are closed.