اشترك
Buy Neuth France products

اعرفوا عن مرض السرطان

0

ان الانسان يعيش حياة صحية سعيدة ده حلم  لكل واحد لكن للاسف مش كل حد بيقدر انه يحقق الحلم ده بسبب الامراض اللي اي شخص معرض انه يصاب بيها ومن اخطرها السرطان,لكن بفضل التقدم العلمي الموجود حاليا في حالات كتيرة جدا بتكون قابلة للعلاج بنجاح. اعرفوا معانا ايه هو مرض السرطان ده وايه هي انواعه وازاي بينتشر في جسم الانسان وايه طرق علاجه.

ايه هو مرض السرطان؟
خلال حياتنا كلها الخلايا اللي في جسمنا بتنقسم وبتستبدل نفسها بشكل ونظام محكم وده مفيد لصحة الجسم,لكن ممكن خلية من الخلايا تخرج عن النظام المحكم ده وتنقسم لخلايا غير طبيعية,والورم اللي بيحصل في حالة مرض السرطان هو نتيجة ان خلية من الخلايا اتقسمت لخلايا مش طبيعية وخارجة عن النظام المحكم للخلايا وبتنقسم بشكل زايد عن حاجة الجسم والزيادة دي هي اللي بتسبب الورم وفي نوعين من الورم(ورم حميد وورم خبيث)

*الورم الحميد:
الورم الحميد مش بيعتبر سرطان في حد ذاته وممكن يتم ازالته والتخلص منه بأمان وغالبا مش بيرجع تاني, والخلايا اللي بنتقسم بشكل خارج عن الطبيعي في حالة الورم الحميد مش بتنتشر في اجزاء تانية من الجسم ,ونادر جدا لو الورم الحميد ده سبب اي خطر لحياة صاحبه,وبيتم علاجه بإزالة الورم اذا كان له اعراض بتسبب معاناة يومية لكن اذا كانت الاعراض ممكن التعايش معاها فممكن يتم العلاج بالدوا او الاشعاع.

*الورم الخبيث:
الورم الخبيث بيعتبر سرطان والخلايا في الحالة دي مش بتكون طبيعية وبنتقسم بشكل مش طبيعي وخارج عن النظام,والخلايا دي بتنتشر وبتدمر الانسجة المحيطة بيها,الخلايا السرطانية دي ممكن تدخل مجري الدم او الجهاز الليمفاوي (اللي هو الانسجة او الاعضاء اللي بتنتج وبتخزن وبتحمل كرات الدم الحمرا اللي بتقي الجسم من الامراض والعدوي),وده اللي بيخلي الورم الخبيث ينتشر من مكان الورم الاول لبقية اجزاء الجسم.
*انواع مرض السرطان:
نوع السرطان بيختلف من مريض للتاني علي حسب نوعية الخلايا اللي بدأ فيها المرض وانتشر في الجسم من خلالها ومن اشهر انواع السرطان :سرطان الجلد وسرطان الثدي وسرطان البوستاتا وسرطان الغدد الليمفاوية وسرطان الرئة,والاعراض اللي بيحس بيها المريض بتختلف باختلاف نوع السرطان.

*انواع علاج السرطان:

لكل حالة من حالات مرض السرطان نوع العلاج الخاص بيها واللي بيختلف من حالة للتانية علي حسب رؤية الطبيب اللي بيتابع الحالة وعلي حسب الحالة الصحية العامة للمريض وكل ماتم العلاج بدري كل ماكان اسهل وافضل.

-العلاج بالتدخل الجراحي:
وده بيتم من خلال الوصول لموضع الانسجة اللي فيها الورم ومدي انتشار الورم في بقية الانسجة ومحاولة استئصال الانسجة اللي فيها الورم بأبسط الطرق واقل الاضرار اللي متأثرش علي الاعضاء المحيطة بالانسجة دي,وطبعا كل ماتمت الجراحة بدري كل ماكانت اسهل وامنة اكتر.

-العلاج الكيماوي:
وده بيكون عن طريق استخدام الادوية والعقاقير لعلاج السرطان ودي بتساعد في القضاء علي الخلايا السرطانية ومنع انتشار الورم,وطبعا جرعة الدوا او العقار بتختلف علي حسب سن المريض وحالته واذا كان عنده امراض تانية ولا لأ علشان كده لازم يتاخد رأي الدكتور في نوع العقار المناسب.
-العلاج بالاشعاع:
من اكتر الانواع المنتشرة من علاج السرطان وممكن يستخدم لوحده او مع انواع تانية من علاج السرطان وبيتم من خلال تدمير الخلايا السرطانية ومنع انتشارها عن طريق الموجات وبيستخدم في الحالات اللي بيكون فيها من الصعب جدا القضاء علي الورم تماما وبيكون هدفه تخفيف الشعور بالالم والمعاناة عند المريض.

-الليزر:
بيساعد علي تدمير الخلايا السرطانية باستخدام الحرارة او العلاج الضوئي.

Share.

Comments are closed.