اشترك
Buy Neuth France products

اضحك من قلبك

0

الضحك من غير سبب مش قلة أدب لكن هو مفتاح لحياة صحية وعمر أطول . فضغوط الحياة اليومية ممكن تؤثر بطريقة سلبية على صحتنا الجسمانية والنفسية ، فبسبب نمط الحياة السريع زادت الضغوط والمشاكل ودة خلانا مش قادرين نلاقى وقت للترفيه و خلانا مضغوطين أكتر ومش سعداء . فى المقالة دى هنستعرض ليه لازم نضحك و إيه هى فوايد الضحك لصحتنا

إيه إللى بيحصل فى جسمنا لما بنضحك ؟

لما بنضحك بتتحرك 17 عضلة فى وجهنا و 80 عضلة فى الجسم كله ودة بيؤدى لزيادة سرعة التنفس ، فى وقت الضحك بيتم تنشيط قشرة الدماغ المتوسطة الأمامية عن طريق بعض المسارات العصبية ، قشرة الدماغ المتوسطة هى المسئولة عن انتاج هرمون الاندروفين المسئول عن الشعوربالسعادة زى سعادة الحصول على مكافأة أو تناول وجبة لذيذة

أهمية الضحك لصحتنا الجسمانية :

أثبتت الدراسات الطبية إن فوايد الضحك لأجسامنا كتيرة جدا و إن لحد دلوقتى العلماء مقدروش يحصروا كل فوايد الضحك على جسم الإنسان لكن أهم الفوائد هى كالتالى :

  • بيحسن المناعة و يرفع من وظايف الدماغ :

الضحك بيزود الأجسام المضادة المسئولة عن محاربة أنواع العدوى بالأمراض المختلفة وبيزود مستوى خلايا المناعة الموجودة فى الجسم زى كرات الدم البيضاء ودة بيؤدى إلى تحسين المناعة وبيزود قدرة الجسم على محاربة الأمراض المختلفة

الضحك بيحسن من وظايف الفص الأيمن والفص الأيسر فى الدماغ بسبب إنه بيعمل على ارتخاء العضلات وتخفيف التوتر مما يؤدى إلى تحسين وظايف الدماغ و تحسين الذاكرة

  • يريح العضلات وبيحمى القلب :

الضحك بيساعد على تنظيف الرئتين لأنه بيساعد على توصيل الأوكسجين للجسم ، و يساعد على تخفيف التوتر و بالتالى بيريح العضلات لمدة تصل إلى 45 دقيقة

الأشخاص إللى بيضحكوا باستمرا معدلات ضغط الدم عندهم أفضل من الأشخاص إللى بيضحكوا أقل ودة بيقلل من مخاطر الإصابة بالنوبات القلبية ومشاكل القلب والأوعية الدموية

  • يقوى عضلات الجسم :

يساعد الضحك المتواصل على تقوية العضلات وخاصة عضلات البطن ، فالضحك وسيلة سهلة جداً وغير مكلفة وغير مؤلمة للمحافظة على جمال الإنسان لأنها بتساعده على شد عضلات البطن وعدم ترهلها

  • يخفف الشعور بالألم :

الضحك العميق يطلق هرمونات الإندورفين في الدماغ، مما يساهم في التخفيف من الألم الجسدي أو الألم الناتج عن الإجهاد

  • يقلل من نسبة السكر فى الدم :

مرضى السكري بيكونوا أكثر قدرة على معالجة مستويات السكر العالية إللى بيستهلكوها في وجباتهم إذا ترافق الضحك مع
تناولهم للطعام ، المشاعر الإيجابية المصاحبة للضحك تقلل سكر الدم وتحسّن الصحة النفسية والمزاج ونوعية الحياة أيضا

أهمية الضحك لصحتنا النفسية :

  • يساعد على الحصول على نوم مريح وهادئ :

الضحك ممكن يساعدك على النوم المستقر والهادئ لمدة ساعتين لأنه بيساعد على تخفيف التوتر والألم

 

  • تقليل مستوى الهرمونات المسئولة عن التوتر :

بسبب إفراز المخ لهرمون الإندروفين عند الضحك دة بيقلل من مستوى الهرمونات إللى بتنتج من الضغوط والمواقف السيئة ، الضحك العميق بيطلق هرمون الأندروفين والسيروتونين المسئولين عن الشعور بالمزاج الجيد و السعادة

 

  • يساعد على التخلص من المشاعر السلبية :

يشتتنا الضحك عن بعض المشاعر السلبية، كالغضب، والشعور بالذنب، والتوتر, اضافة الى انه يجعلنا أكثر قدرة على التعامل مع المشكلات و يطلق مشاعرنا السلبية المكبوتة بشكل إيجابي وصحي

طرق تساعدك إنك تضحك أكتر كل يوم :

  • اقضى وقت أكتر مع أشخاص لطفاء ومسليين
  • اتفرج على أفلام وبرامج مضحكة
  • متتفرجش على الأخبار والبرامج المأساوية طول اليوم
  • اضحك على نفسك على أخطائك وعلى عيوبك ، حول اللحظات والمواقف الصعبة لمواقف مضحكة
  • خصص وقت للراحة والتسلية ومتسمحش لشغلك أو طموحك إنه ينسيك إنك محتاج تضحك وتكون مبسوط
  • متخافش إنك تضحك بصوت لأن كل واحد فينا ضحكته مميزة اضحك وعبر عن نفسك طالما فى حدود اللائق

عود نفسك على الابتسام الكتير

Share.

Comments are closed.