اشترك
Buy Neuth France products

اصحي بنشاط في البرد ب 5 خطوات

0

الصحيان بدري الصبح في جو الشتا البارد بيشكل عبء تقيل اوي عند ناس كتير خصوصا اللي بيضطروا انهم يصحوا بدري جدا علشان ظروف شغلهم ودراستهم وبتزيد المشكلة دي في الايام اللي الجو فيها بيكون برد جدا ولحظة الصحيان من علي السرير بتكون لحظة صعبة اوي وبيصحي الشخص ده من النوم حاسس بكسل وضيق شديد وانه مش شبعان نوم ,لكن احنا هنساعدكم بشوية خطوات بسيطة انكم تصحوا بنشاط واحساسكم بالبرد يقل حتي لو الجو برد جدا.

-اختار نغمة محببة للمنبه:
اختيارك نغمة مزعجة للمنبه بيخليك تصحي منزعج ومتضايق لكن لو اخترت صوت نغمة هادية او محببة ليك ده هيخليك تصحي نشيط ومبسوط , ممكن تعلي النغمة لو كنت من النوع اللي بينام بعمق شديد.

-حفز نفسك بحاجة تنشطك:
لو كنت بتحب تشرب حاجة معينة زي القهوة او الشاي شجع نفسك وانت علي السرير انك هتقوم علشان تعمل ده هتلاقي نفسك اتشجعت وصحيت بنشاط اكتر.

-جهز الدفاية:
لو كنت عايش في منطقة درجات الحرارة فيها بتكون منخفضة جدا في فصل الشتا خصوصا الصبح بدري يبقي انت محتاج دفاية لانك لما بتصحي من النوم الصبح جسمك بيكون دافي وكل حاجة حواليك بتكون ساقعة جدا وده ممكن يسببلك الاصابة بنزلات البرد وفايدة الدفاية انها هتخليك ماتخرجش لجو برد جدا وانت جسمك مش مهيأ لده.

-خد دوش دافي:
لو اخدت دوش بمية دافية اول ماتصحي من النوم هتلاقي نفسك نشيط وفايق اكتر غير ان الدوش ده بيساعد في الشعور بالهدوء والاسترخاء وبيريح من الاحساس بالاجهاد اللي سببه الصحيان بدري ويفضل بعد الدوش انك تستعمل كريم مرطب يحمي جلدك من التشقق والجفاف اللي بيسببهم البرد الشديد خصوصا في الاجزاء المكشوفة من جسمك زي الايدين والوش والمناطق الاقرب للارض زي الرجلين والكعبين.

-اهتم بالاكلات اللي بتحسسك بالدفا:
وجبة الفطار هي اهم وجبة في اليوم لانك بتاخدها قبل ماتنزل من البيت علي طول علشان كده مهم جدا انك تركز علي الاكلات اللي بتحسسك بالدفا وبتحميك من الاحساس بالبرد .

Share.

Comments are closed.