اشترك
Buy Neuth France products

استمتع بيوم كريسماس مختلف

0

الوقت بيجرى والكريسماس على الأبواب ، بنودع 2014 وبنستقبل 2015 بحماس وأمل جديد . فى المقالة دى هتلاقى أفكار مختلفة عشان تقضى كريسماس ممتع ومختلف ، اختار منها إللى يناسبك

  • جهز هدايا مميزة ليك وللى بتحبهم :

مين فينا مش بيحب الهدايا ، واحنا صغيرين كنا بنحب الهدايا وخصوصا المميزة منها ، لو معندكش فكرة عن نوعية الهدايا إللى ممكن تشتريها ممكن تدور على الإنترنت عن أفكار لهدايا مميزة ومختلفة

  • خلص كل الشغل إللى وراك قبل الإجازة :

لأن محدش فينا يحب يقضى العيد فى الشغل لو كنت بتشتغل أو لو كنتى ربة منزل حاول أو حاولى عمل خطة لإنهاء كل المهام بتاعتك قبل العيد عشان تقدر تستمتع مع عيلتك وتفرح أولادك فى العيد

  • اهتم بتزيين بيتك بالديكورات المميزة للكريسماس :

خلى بيتك شكله حلو فى الكريسماس و زينه بالديكورات الخاصة بالكريسماس زى شجرة الكريسماس و الإكسسوارات المختلفة  فى كل أوضة فى البيت

  • اصنع بنفسك أو مع أطفالك زينة الكريسماس :

طريقة حلوة  قوى للاستمتاع بالكريسماس مع أولادك وتساعدك على الدخول فى جو الكريسماس المبهج وكمان هى فرصة كويسة جدا لتقوية علاقتك بأطفالك

  • شغل موسيقى و أغانى الكريسماس :

قبل الكريسماس اتاكد إن عندك كل الأغانى والموسيقى المميزة الخاصة بالكريسماس سواء على سى دى أوعلى موبايلك أو جهاز الكمبيوتر الخاص بيك

  • عيد على كل إللى تعرفهم :

انتهز فرصة فترة الكريسماس وعيد على كل قرايبك و أصحابك و زمايلك فى الشغل و حتى الناس إللى بيقدمولك الخدمات المختلفة زى عامل الجراج أو البقال سواء بمكالمة تليفون أو رسالة معايدة أو حتى كلمة كل سنة وانت طيب

  • جهز لعشاء كريسماس لذيذ :

الكريسماس مشهور بوصفات الأكل و الحلويات اللذيذة اختار وصفاتك المميزة لليوم دة  و ابعد عن الوصفات الجديدة جهز المنيو و الوصفات قبل الأجازة ، زين سفرتك بطريقة مميزة مناسبة للكريسماس

  • اختار فيلم بتحبه تشوفه مع عيلتك :

على جهاز الكمبيوتر أو الدى فى دى الخاص بيك حضر فيلم ممتع تتفرج عليه مع عيلتك وحدد ليه وقت معين فى اليوم

 

  • جهز خروجة لمكان جديد ومتنساش اللمة الحلوة :

فكر فى مكان جديد تقضى فيه أجازتك ويفضل يكون فى الطبيعة والهواء الطلق ، اختار المكان اللى تحبه بس متنساش ان الخروجة ميبقاش ليها طعم من غير أهلنا و أصحابنا

  • اعمل خير :

فى الأعياد والمناسبات ناس كتير بتكون لوحدها ، جرب تزور ناس مالهمش حد يسأل عنهم فى اليوم دة ، ممكن يكون ملجأ أو مستشفى أو دار مسنين أو شخص مسن من عيلتك أو أى مكان تختاره . جرب وهيفرق معاك كتير شعورك بالعطاء والمشاركة مع الناس ، وهتلاقى نفسك بتشكر ربنا على نعم كتير تمتلكها .

Share.

Comments are closed.