اشترك
like Sofy on Facebook

استقبلي السنة الجديدة بدون تجاعيد

0

كتير من السيدات والبنات بيعانوا من وجود التجاعيد، اعرفي معانا اسبابها وإزاي تقدري تستقبلي السنة الجديدة ببشرة أصغر سنا.

التجاعيد المزعجة اللي بتظهر في البشرة خصوصا في الوجه والرقبة ليها أسباب معروفة زي:

  • التدخين : اللي ممكن يخلي التجاعيد تظهر من سن العشرين
  • تعبيرات الوجه المتكررة : الأبتسام وعبوس الوجه
  • التقدم في العمر

لكن بيعتبر التعرض لآشعة الشمس اكبروأهم الأسباب اللي بتؤدي لظهور التجاعيد

هل السيدات أكتر عرضة لظهور التجاعيد ؟

ده صحيح، خصوصا حول الفم لأنهم بيتمتعوا بوجود خلايا عرقية أكتر

هل النوم بالمكياج بيسبب ظهور التجاعيد ؟

لأ، لكنه بيسد مسام البشرة وده ممكن يؤدي لظهور الحبوب والبثور

وعشان تخفيها وتقللي من ظهورها بنقدملك بعض الحيل البسيطة :

  • استخدمي الكريمات المرطبة للبشرة لأن جفاف البشرة هو اللي بيؤدي لظهور التجاعيد
  • أرتدي اللون الأحمر أثناء التصوير اللي بيبعد الأنظار عن التجاعيد ويخلي البشرة تبان أصغر في السن
  • استخدمي الكريمات اللي بتحتوي على :
  1. حمض الريتينويك : المشتق من فيتامين “أ” اللي بيقلل من حدوث شيخوخة الجلد
  2. أحماض ألفا هايدروكسي : اللي بتقوم بعمل تقشير وتفتيح للون البشرة، كمان بتحفز إنتاج الكولاجين
  • زيلي مكياج العيون بإستخدام قطنة مبللة بكريم لإزالة المكياج
  • نامي على ظهرك : لأن النوم على البطن أو اي من الجانبين بيؤدي لظهور التجاعيد

ومن الأكلات اللي بتمنع شيخوخة الجلد :

  • الشوفان : بيحتوي على مادة كيميائية بتمنع تلف خلايا البشرة وتهيج الجلد
  • البرتقال : مصدر لفيتامين “سي” اللي بيساعد في إنتاج الكولاجين
  • الأفوكادو : بيحتوي على دهون صحية بتحافظ على ترطيب البشرة وبيساعد الجسم على امتصاص الفيتامينات والمعادن اللي بينعكس على صحة البشرة

Share.

Comments are closed.