اشترك
Buy Neuth France products

استئصال الرحم

0

استئصال الرحم واحدة من العمليات اللى بتسبب مخاوف لكتير من السيدات مع الجانب النفسى ليها و اللى بيكون ليه الاثر الاكبر . واجهى مخاوفك و اعرفى المعلومات اللى تهمك عن استئصال الرحم و ايه التغييرات اللى بتحصل لجسمك بعدها .

  • استئصال الرحم :

هى عملية ازالة رحم المراة لوحده او بيصاحبه استئصال كامل للانابيب و المبايض و مابيتمش استئصال الرحم الا اذا كان لسبب قوى بياثر على حياة المريضة و فشلت اى طريقة تانية للعلاج .

  • اسباب استئصال الرحم :
  • اورام ليفية فى الرحم بتسبب الالم او النزيف او اى مشاكل اخرى .
  • هبوط الرحم اى نزلاقه من مركزه الطبيعى فى القناة المهبلية .
  • سرطان الرحم و عنق الرحم و المبايض او بطانة الرحم .
  • نزيف مهبلى غير طبيعى .
  • الام الحوض المزمنة .
  • داء البطانة الرحمية المهاجرة (Adenomyosis) او سماكة الرحم .
  • انواع استئصال الرحم :

بيعتمد على السبب فى استئصال الرحم و الخطورة و سلامة باقى الاجزاء :

  • استئصال الجزء العلوى فقط و الحفاظ على عنق الرحم فى مكانه .
  • استئصال الرحم الكلى وبيتم بازالة الرحم مع عنق الرحم .
  • استئصال الرحم الجذرى و هو ازالة الرحم كله و عنق الرحم و الانسجة على جانبى الرحم و الجزء العلوى من المهبل ومن الممكن ازالة المبيضين وفى الاغلب مش ييتم الاستئصال الجذرى للرحم الا فى حالات الاصابة بالسرطان .
  • تحديد الجراحة اللازمة لاستئصال الرحم :
  • بيستخدم الجراحين طرق مختلفة لاستئصال الرحم و ده بيتحدد على حسب اسباب استئصال الرحم و الصحة العامة للمراة و طريقة استئصال الرحم بيكون ليها دورها فى تحديد الوقت اللازم للعلاج و نوع الندبة اللى بتظهر بعد العملية .
  • بيتم استئصال الرحم عن طريق الجراحة التقليدية او الجراحة المفتوحة او MIP .
  • ممكن ان استئصال الرحم يتم من خلال استخدام المنظار .
  • اتمام الشفاء بعد استئصال الرحم :
  • بيختلف الوقت اللازم لكل امراة لاستعادة صحتها بعد استئصال الرحم بشكل كامل و بتكون ما بين اسبوعين لو تم استئصال الرحم بالموبايل و بتوصل ل 8 اسابيع فى حالات الجراحة .
  • بتحتاج المراة لفترة من الراحة و عدم القيام بالاعمال المنزلية و عدم رفع اى اثقال و الامتناع عن ممارسة الجنس لفترة ما بين شهر و نصف او شهرين بعد العملية لانه من الممكن انه يزود من النزيف و الضغط على الخيط الداخلى و يسبب مشاكل طبية .

 

  • اهم التغيرات بعد استئصال الرحم :
  • توقف الدورة الشهرية .
  • عدم القدرة على الانجاب
  • استئصال الرحم مالوش اى تاثير على اقامة العلاقة الجنسية على عكس بعض الاقاويل الشائعة .
  • لو ماكنتش المراة مرت بمرحلة سن الياس و تمت ازالة المبايض مع استئصال الرحم بتبدا بعد العملية الشعور باعراض سن الياس وممكن انها تحتاج للعلاج بالهرمونات البديلة .
  • بيسبب استئصال الرحم الشعور بالاكتئاب لبعض النساء او الشعور بالنقص و يفضل استشارة طبيب نفسانى علشان يساعدها انها تتغلب على مشكلتها .

Share.

Comments are closed.