اشترك
Buy Neuth France products

اسباب وطرق علاج الشخير

0

كتير من الأشخاص بيعانوا من الشخير ومش عارفين إيه الأسباب، وممكن كمان بيكونوا مسببين معاناه لغيرهم دون قصد. اعرف معانا أسباب وطرق علاج الشخير لما تقرا الموضوع ده.

أولا إيه هو الشخير ؟

هو صوت أجش بينتج عن حدوث إي عرقلة في عملية التنفس أثناء النوم، بيمر الهواء خلال الأنسجة المرتخية في الحلق فبيحصلها اهتزاز ويبنتج صوت الشخير.

إيه هي أسباب الشخير ؟

  1. تشريح الفم : بعض الأشخاص بيكون الحنك ليدهم سميك وده بيضيق مجري الهواء. كمان الأشخاص اللي عندهم زيادة في الوزن ممكن يكون عندهو أنسجة زيادة في الجزء الخلفي من الحلق وده بيضيق الشعب الهوائية كمان ممكن الجزء المثلث الموجود في الفم ممدودفبيحدث عرقلة لتدفق الهواء وزيادة في الاهتزاز
  2. شرب الكحول : شرب الكحليات بيرخي عضلات الحلق وبيضعف المقاومة الطبيعية ضد انسداد مجرى الهواء
  3. وجود مشكلات بالأنف : زي احتقان الأنف المزمن أو وجود انحراف في الحاجز الأنفي
  4. وضعية النوم : الأستلقاء على الظهر ممكن يضيق مجرى الهواء بسبب الجاذبية
  5. انقطاع النفس أثناء النوم

هل في أعراض تعرف بيها وجود شخير أثناء النوم ؟

في بعض الأعراض زي :

  • صداع
  • الإفراط في النوم أثناء النهار
  • صعوبة في التركيز
  • التهاب الحلق
  • ضغط الدم المرتفع
  • آلام في الصدر ليلا
  • الشعور بالأختناق والاستيقاظ ليلا

إزاي اقدر احد من الشخير ؟

  1. خلي بالك من وضعية نومك : نام على احد الجنبين بدل من الاستلقاء على ظهرك عشان تمنع ضيق مجرى الهوى اليي بيسبب الشخير
  2. حافظ على وزنك : الوزن الزيادة بيكون سبب كبير خصوصا للي مكنوش بيعانوا من الشخير قبل الزيادة في الوزن
  3. احصل على كفايتك من النوم : الإجهاد وقلة النوم بيخلو أنسجة الحلق مرتخية جدا في ساعات النوم القليلة وبالتالي هتعلني من الشخير
  4. ابعد عن الكحليات
  5. عالج المشكلات الموجودة بالأنف : ممكن تحصل على حمام دافيء ، أو تستخدم محلول ملحي عشان تفتح الممرات والجيوب الأنفية قبل النوم
  6. حافظ على ترطيب جسمك : قلة السوائل في الجسم بيخلي افرازات الأنف اكثر كثافة وده بيزود الشخير
  7. غير اغطية السرير باستمرار : التراب اللي بيتراكم على اغطية السرير بتسبب الحساسية وده بيسبب الشخير

Share.

Comments are closed.