اشترك
like Sofy on Facebook

اسباب ضعف الاداء الجنسي وعلاجها

0

كل الازواج بيحلموا ان علاقتهم الخاصة تكون صحية ومفيهاش مشاكل لكن للاسف في كتير من العوامل الخارجية بتأثر بالسلب علي الرغبة الجنسية والاداء الجنسي وللاسف في كتير من الاحوال بتعمل مشاكل ممكن تسبب الانفصال,تابعونا علشان تعرفوا ايه هي اسباب ضعف الاداء الجنسي وازاي تتغلبوا عليها.

-وجود مشاكل بين الزوجين:
الخلافات والمشاكل بين الزوجين غير انشغال كل طرف عن التاني وقت طويل اكيد بتأثر علي صحة العلاقة الخاصة بينهم,علشان كده مهم جدا حل المشاكل من بدايتها ويفضل في المشاكل الكبيرة استشارة حد متخصص وعنده خبرة ويكون موثوق فيه.

عدم انتظام النوم:
عدم النوم ساعات كافية او النوم متأخر والصحيان بدري جدا الصبح طبعا بيسبب اجهاد واحساس بالصداع واكيد ده بيضعف الرغبة الجنسية والشعور بالسعادة في العلاقة,لو عندك مشاكل في النوم حاول تصحح من عاداتك في النوم ولو حسيت بصعوبة في ده استشير الدكتور.

-الانجاب:
وجود طفل في حياة الزوجين بيخلي عندهم ضيق في الوقت بسبب زيادة المسئوليات والانشغال بالطفل,علشان كده يفضل وجود حد مساعد للزوجين في رعاية الطفل زي مربية او الجدة مثلا وممكن تجربوا ممارسة العلاقة اثناء نوم الطفل.

-شرب الكحوليات:
شرب كميات كبيرة من الكحوليات بيأثر علي الرغبة الجنسية والاداء الجنسي علشان كده يفضل تجنب تناول الكحوليات ولو كان عندك صعوبة في ده يفضل انك تطلب المشورة من الدكتور.

-بعض الادوية:
في ادوية بتضعف الرغبة الجنسية زي مضادات الاكتئاب وادوية ضغط الدم وبعض وسائل تنظيم الانجاب والعلاجات الكيماوية علشان كده لو كنت بتعاني من ضعف الرغبة الجنسية يبقي لازم تقول لطبيبك علشان يوصفلك ادوية ملهاش تأثير سلبي علي رغبتك الجنسية.

-عدم الرضا عن المظهر العام:

احساسك بعدم الرضا عن مظهرك العام بيخلي الرغبة الجنسية اضعف علشان كده حاول تحب نفسك وتقبلها وتغير من مظهرك للاحسن في نفس الوقت ,لو كنت حاسس ان شريكك مش راضي عن نفسه حاول تحسسه انك بتقبله زي ماهو علشان ده بيسعده وبيأثر علي الرغبة الجنسية بالايجاب مع مساعدته انه يتغير للاحسن.

-السمنة:
السمنة والوزن الزايد بتضعف الرغبة الجنسية وبتسبب الاحساس بعدم السعادة في العلاقة وعدم الرضا عن الاداء,علشان كده يفضل الالتزام بنمط الحياة الصحي والبعد عن اسباب زيادة الوزن.

-ضعف الانتصاب:
الرجال اللي عندهم ضعف انتصاب بيخافوا من ضعف الاداء الجنسي وده بيضعف الرغبة الجنسية لكن ضعف الانتصاب له علاج وممكن الازواج يقللوا من تأثير ضعف الانتصاب علي العلاقة الزوجية.

-التقدم في السن:
مع التقدم في السن بيقل افراز الهرمونات المسئولة عن الرغبة الجنسية عند الرجال والسيدات وده بيضعف الرغبة الجنسية لكن ممكن التغلب علي الموضوع ده من خلال الحفاظ علي نظام حياة صحي وقبول كل طرف لنفسه والعلاقة المستقرة مع الطرف الاخر.
-الحالة النفسية:
القلق والتوتر والمشاعر السلبية زي الاكتئاب بتقلل الرغبة الجنسية,علشان كده حاول تتخلص من القلق والتوتر.

Share.

Comments are closed.