اشترك
Buy Neuth France products

ازاي تتغلب علي نزلات البرد؟

0

الاصابة بدور البرد حاجة سخيفة ومتعبة خصوصا في فصل الشتاء مع برودة الجو او في الجو المتقلب خصوصا لو كان الدور ده مصحوب بارتفاع في درجة الحرارة او احتقان في الحلق . واكيد طبعا بتصاب بالشعور بالخمول والكسل وضعف الشهية للطعام ومفيش شك ان ده بيعملك مشكلة خصوصا وقت الشغل او الدراسة.والحكاية بتكون اكبر لو كنت مصاب ب(H5N1) انفلونزا الطيور او  انفلونزا  الخنازير(H1N1)

اسباب الاصابة بنزلات البرد:
-العدوي من شخص مصاب سواء من خلال استخدام ادواته او الاتصال المباشر بيه.
-ضعف المناعة العامة للجسم.
-التعرض لتيار هواء شديد السخونة ثم الخروج للتعرض لتيار هواء شديد البرودة( مثلا انك تاخد دوش ساخن وبعدين تطلع تقعد في التكييف او تطلع تتعرض لهواء بارد)
الاشخاص الاكتر عرضة للاصابة بنزلات البرد:
-الحوامل
-الاطفال خصوصا الاصغر سنا
-كبار السن
-الاشخاص ضعاف المناعة

لو حسيت بأعراض دور البرد اوعي تهملها او تتجاهلها خصوصا انها ممكن تؤدي للاصابة بالتهاب رئوي او حساسية بالصدر.

علاج نزلات البرد:
-تناول الاطعمة الغنية بفيتامين C زي البرتقال واليوسفي والليمون والطماطم والثوم والجوافة.
-اهتم بالمشروبات الدافئة زي الزنجبيل والليمون والنعناع.
-حاول ترتاح في البيت عدة ايام وتتجنب الاماكن الزحمة.
-اهتم انك تلبس ملابس مناسبة .
-اتجنب انك تتعرض لتيارات هواء مختلفة بشكل مفاجئ بدون تمهيد.
-قلل من المشروبات الغنية بالسكر زي المياة الغازية لانها بتصيب جسمك بالجفاف.
-واظب علي شوربة الدجاج مع قطع صغيرة من البصل والفلفل الاسود من3-5مرات يوميا.
-لو نزلة البرد عندك مصحوبة بصداع او الام في الجيوب الانفية فممكن تستعمل كمادات المية الدافئة.
-للتخلص من البلغم: ممكن الغرغرة بماء وملح من دون بلعها.
-ممكن تستعمل غسول لفتحة الانف وتركه ينتقل لفتحة الانف الاخري او ممكن تشتري محلول من الصيدلية.
-استعمل اقراص الحلق المتوفرة في الصيدليات لعلاج الام الحلق.

Share.

Comments are closed.