اشترك
like Sofy on Facebook

ازاى تتجنب آلام الظهر؟

0

آلام الظهر و الشكوى المستمرة منها بقيت تتكرر بأستمرار  وأحيانا بيفاجئنا وبيأثر على بقية يومنا وبيخلينا نفقد تركيزنا وبيأخذ أشكال مختلفة و كتير مننا بيشتكوا منه من غير ما يكونوا عارفين أنهم بيملكوا كذا طريقة هتساعدهم فى أنهم يتخلصوا منه ,اتعرف معانا ازاى ممكن تتجنب آلام الظهر.

العادات اللى بنمارسها يوميا كجزء من حياتنا وطريقة حركتنا و طريقة نومنا والتمارين اللى بنمارسها وبعض التصرفات بتشكل دور كبير فى صحة الظهر من غير ما نكون حاسين بده وفى شوية نصائح لحياتنا اليومية هتفرق معانا بصورة واضحة فى الحد من آلام الظهر:

  1. التمارين الرياضية:

 ممارسة التمارين الرياضية بأنتظام بيساعد فى تخفيف الالتهاب وتوتر العضلات وتجنب آلام الظهر لكن من الأفضل وقف ممارسة التمارين لو حسيت بآلام منها لمدة يوم أو يومين وطبعا تنظيم  التمارين اللى بتسبب أرهاق زيادة للظهر زى تمارين شد البطن واللى بتضغط على بعض الفقرات فيفضل انها تكون لفترة قصيرة مع الراحة وعدم الضغط على الفقرات اثناء ممارستها.

  1. اليوجا:

 اليوجا بتساعد فى التخلص من التوتر و الأنفعال وده بيأثر على صحة العمودالفقرى وبتساعد فى التغلب على آلام أسفل العمود الفقرى.

  1. البعد عن التدخين:

 التدخين بيقلل من تدفق الدم للظهر ده بيحتوى على المغذيات للعمود الفقرى فمن الطبيعى بتكون النتيجة ليها تأثير سلبى على الظهر وبتزود من الأصابة بآلام الظهر.

  1. الحفاظ على الوزن السليم:

 الحفاظ على الوزن المثالى لأن زيادة الوزن بتضغط على الظهر و على الفقرات و بتجهده فمتابعة الوزن بأستمرار و أتباع نظام غذائى مناسب هتساعد فى تجنب مشاكل كتيرة فى المستقبل

  1. الجلوس بشكل سليم:

 الجلوس لفترات كبيرة بيسبب ضغط كبير على الظهر فلازم نراعى بعض النصائح زى أختيار الكرسى بظهر مستقيم مع النهوض كل فترة وعمل بعض التمارين اثناء الجلوس .

  1. وضعية النوم:

 أختيار وضعية النوم المناسبة واللى بتحد من آلام الظهر و يفضل تجنب النوم على البطن و ينصح بالنوم على الجنب مع وضع وسادة بين الركبتين أو النوم على الظهر مع وضع وسادة تحت الركبتين.

  1. القيادة لفترات طويلة:

 القيادة بتتسبب فى انحناء الكتفين و بتزود من آلام الظهر و الرقبة وينصح اثناء القيادة بالجلوس بزاوية 90 وفى وضع مقارب لعجلة القيادة.

Share.

Comments are closed.