اشترك
Buy Neuth France products

ازاى تاكل صح وتخسر وزنك فى نفس الوقت

0

الوزن المثالي دليل على الصحة, عشان كدة ناس كتير من اللي عندهم سمنة بيتبعوا حمية عشان يحافظوا أكتر على صحتهم, بس كمان نظام الحمية الغير متوازن بيأثر بالسلب على الصحة، فمعظم خبراء الصحة  بينصحوا باتباع  حمية متوازنة وصحية للحفاظ على  الوزن أو خسارة المزيد منه, لكن ازاي تكون الحمية صحية؟!!

 

عناصر ضروري توافرها بالحمية:

البروتين: موجود في الأسماك, اللحوم, الدواجن, منتجات الألبان, البيض, الجوز, والفول.

الدهون: موجودة في منتجات اللحوم والألبان, الجوز, والزيوت.

الكربوهيدرات: موجودة في الفواكه، الخضروات، الحبوب الكاملة, الفول, وبقوليات أخرى.

الفيتامينات: زي فيتامينات A, B, C, D وفيتامين K

الأملاح: زي الكالسيوم والبوتاسيوم والحديد.

الماء: من خلال الشرب وأيضا من خلال الأطعمة الغنية بالمياه.

والطبيعي أن كلنا بيحتاج للعناصر دي مجتمعة سواء كنا متبعين حمية أو لأ.

 

خطوات يجب اتباعها:

  • املأ نص طبقك بالفواكه والخضروات والنصف التاني قسمه بين الحبوب الكاملة والبروتين الخالي من الدهون.
  • التزم بعدد السعرات الحرارية المحددة لك يوميا لأن عشان تخس هتحتاج تحرق سعرات أكتر من اللي هتحصل عليها من خلال الأكل أو الشرب.
  • احتياجاتك من السعرات الحرارية يوميا بالضبط يعتمد على الوزن اللي انت هدفك توصله, سنك, جنسك, ومدى نشاطك, واختصاصي التغذية يقدر يساعدك في دة, لكن ما تقللش جدا من السعرات الحرارية عشان تقدر تواصل حميتك وعشان جسمك ياخد التغذية اللي محتاجها كاملة.

نصائح اضافية:

  • اشتري اللبن خالي الدسم بدل اللبن كامل الدسم.
  • اشتري اللحوم الخالية من الدهون بدل اللحوم العادية.
  • اشتري أنواع الخبز والبقوليات الخفيفة والمصنوعة من الحبوب الكاملة.
  • مش لازم تتجنب كل الأطعمة الدهنية أو المحتوية علي الكوليسترول والصوديوم.
  • اذا أكلت وجبة سعراتها الحرارية عالية كمل يومك بوجبات خفيفة منخفضة السعرات الحرارية.
  • اقرأ ملصقات الطعام عشان تعرف تسيطر على الدهون والكوليسترول والصوديوم في أكلك.

Share.

Comments are closed.