اشترك
Buy Neuth France products

ازالة الشعر بالليزر

0

الشعر الزايد اكيد بيشكللك مشكلة سخيفة في حياتك واحيانا بيسببلك شعور بالحرج قدام الناس وبتكون مشكلة انه تجيلك مناسبة مفاجئة وانتي مش عاملة حسابك واكيد طبعا زهقتي من الطرق التقليدية لازالة الشعر ونفسك في حل سريع يخلصلك من الحكاية دي. واحنا هنا من خلال المقالة دي هنساعدك انك تلاقي حل سريع يريحك من الموضوع ده نهائي.

اذا كنتي زهقتي من الطرق التقليدية اللي بتشيلي بيها الشعر الزائد زي مثلا الحلاقة والازالة بالشمع  وغيرها من الطرق اللي الشعر بعدها بيطلع بسرعة وبنفس التقل غير انها طرق مؤلمة وبتاخد منك وقت طويل جدا ففي طريقة ممكن تكون كويسة جدا وامنة تستحق انك تفكري فيها هي ازالة الشعر بالليزر.

ازالة الشعر الزايد بالليزر تعتبر من اكتر الطرق انتشارا في ازالة الشعر بالولايات المتحدة. العملية دي بتتم من خلال توجيه شعاع من النور قوي جدا علي المسام اللي بيطلع منها الشعر. والصبغة اللي في المسام بتمتص النور فبالتالي الشعر الزائد بتتم ازالته.

*فوايد ازالة الشعر بالليزر:
الليزر فعال جدا في ازالة الشعر الزايد من منطقة الذراعين والقدمين وتحت الابط والوجه وغيرها من المناطق في الجسم.

* المكاسب اللي بتعود عليكي من ازالة الشعر بالليزر :

الدقة:الليزر بينتقي الشعرالخشن بقوة(في الظلام) وفي نفس الوقت بيحافظ علي الجلد من غير اي  مشكلة.
السرعة:كل نبض من الليزر بينتظر لمدة ثانية وبعدين بيزيل شعر كتير جدا في نفس الوقت.الليزر بيتعامل مع منطقة من الجسم حجمها حوالي ¼ في كل ثانية. في المناطق اللي حجمها صغير زي اسفل  الشفتين ممكن يزيل الشعر بتاعها في اقل من دقيقة. وبالنسبة للمناطق الاكبر شوية في الحجم زي الظهر والرجلين ممكن ياخد حوالي ساعة.
القدرة علي التوقع:حوالي 90% من اللي بيلجأوا لازالة الشعر بالليزر بيتم ازالة الشعر من جسمهم بعد حوالي من 3-5 جلسات.


* ازاي تستعدي لازالة الشعر بالليزر:

قبل العملية علي طول شعرك اللي عايزة تزيليه المفروض يتم قصه(تقصيره) لميلليمترات قليلة فوق سطح الجلد.جهازالليزر هيتم تظبيته علي حسب لون الشعر الزايد وسمكه وتكتله وبرضه علي حسب لون جلدك.

علي حسب نوع الليزر والضوء المستخدم : انتي والشخص اللي بيتعامل معاكي(الفني)هتحتاجوا حماية كافية للعين.وبرضه هيكون ضروري حماية الطبقات الخارجية من الجلد بجيل بارد او جهاز تخدير مناسب.ده بيساعد الضوء المنبعث من الليزر انه يخترق الجلد اسهل.
بعد كده : الشخص اللي بيتعامل معاكي هيصوب شعاع من النور علي المنطقة اللي بيتم ازالة الشعر منها لعدة دقائق للاطمئنان ان الامور ماشية كويس والتأكد ان مفيش اي ردود فعل مش كويسة .

بعد نهاية العملية : ممكن تاخدي كمادات تلج او كريم مضاد للالتهاب او مستحضر مناسب او ماء بارد عشان تتخلصي من اي شعور بعدم الراحة .ممكن تسيبي مسافة بين كل جلسة واللي بعدها حوالي من 4-6 اسابيع وتستمري في الجلسات لحد مايتوقف نمو الشعر الزايد في جسمك.

Share.

Comments are closed.