اشترك
like Sofy on Facebook

اخطاء بيرتكبها الازواج في العلاقة الحميمة

0

كتير من الازواج بيقعوا في اخطاء اثناء ممارسة العلاقة مع الزوجة يمكن بسبب عدم فهمهم لطبيعة المرأة اللي اكيد طبعا مختلفة عن طبيعة الرجل,لكن الاختلاف في الطبيعة وطريقة التفكير والتصرف بين الرجل والمرأة ده ممكن يكون ظاهرة صحية بس لو كل واحد فيهم قدر انه يفهم طبيعة التاني وازاي يتعامل معاه,اعرفوا معانا بعض الاخطاء اللي بيعملها الرجل اثناء العلاقة وازاي يتجنبها.

-ممارسة العلاقة في ساعتها بس:
الرجل بيقدر انه يحس بالسعادة في العلاقة مع بدايتها لكن بالنسبة للمرأة ولان طبيعتها حساسة وعاطفية اكتر فالموضوع بالنسبة ليها بيحتاج شوية تمهيد المفروض يبدأ قبل ممارسة العلاقة و خلال اليوم ,التمهيد ده ممكن يكون من خلال الكلام الحلو او من خلال لمسات لطيفة من الرجل تحسسها بالامان والثقة خلال العلاقة.

-الانانية في العلاقة:

عدم مراعاة احتياجات الزوجة وحقها في الوصول للسعادة والنشوة اثناء العلاقة هو خطأ منتشر جدا بين الرجالة وبيقعوا فيه كتير,الزوجة ممكن تتغاضي عن ده في الاول لكن مع الوقت التصرف ده بيضايقها.

-التمسك بخطتك في العلاقة باستمرار:
مش معني انك جربت وضع معين اسعد زوجتك انه لازم يسعدها بنفس الشكل طول الوقت لان ده بيختلف بالنسبة ليها من وقت للتاني علي حسب حالتها النفسية خلال الشهر,لو  حسيت ان في وضع معين بيؤلمها او بيضايقها في مرة من المرات ممكن توقفه وتجرب وضع تاني ولو لاقيت انه بيريحها استمر فيه,كتير من النساء بيشتكوا ان الرجل بيتحرك من وضع للتاني خلال العلاقة في الوقت اللي النساء فيه بيكونوا بيبدأوا يحسوا بالسعادة في الوضع ده.

-ممارسة العلاقة كفعل جسدي بحت:
بلاش تركز بس علي الجانب الجسدي بس اثناء العلاقة و تنسي التعبير عن عواطفك لزوجتك لان ممارسة العلاقة المفروض ماتكونش غاية في حد ذاتها قد ماتكون وسيلة وطريقة للتعبيرعن الحب بين الزوجين,عدم اهتمامك بالجانب العاطفي اثناء العلاقة بيجرح الزوجة وبيحسسها انك مش محتاجها غير لممارسة العلاقة بس.

Share.

Comments are closed.