اشترك
like Sofy on Facebook

احمي نفسك وعيلتك من سرطان الرئة

0

بيعتبر سرطان الرئة من أكتر المسببات للوفاه بين الرجال والسيدات المدخنين. اعرف معانا إيه الأسباب الأخرى اللي ممكن تسبب سرطان الرئة وإزاي تقدر تحمي نفسك وكمان تحمي عيلتك.

إيه هو سرطان الرئة ؟

هو ظهور أورام في المنطقة الأسفنجية والجدران الموجودة حول الشعب الهوائية. وفي نوعين من سرطان الرئة :

  • سرطان الرئة ذو الخلية الصغيرة : ده النوع الأصعب، ممكن ينتشر في أجزاء تانية من الجسم في مرحلة مبكرة وهو مرتبط أكتر بالمدخنين
  • سرطان الرئة ذو الخلايا غير الصغيرة : أقل حدة وبطيء النمو

إيه هي أسباب سرطان الرئة ؟

90% من أسباب الأصابة بسرطان الرئة هو التدخين، السيجارة الواحدة بتحتوي على أكتر من 4000 مادة سامة بتصيب الشخص بالسرطان, وخلي بالك إن المدخن السلبي هو كمان معرض للإصابة بسرطان الرئة. وفي أسباب تانية منها :

  • ألياف الأسبستوس : هي الألياف المصنوعة من السيليكات اللي ممكن يستمروجودها مدى الحياة في أنسجة الرئة بعد التعرض للاسبستوس
  • أستنشاق غاز الرادون
  • شرب ماء يحتوي على الزرنيخ
  • القابلية الوراثية للفرد
  • وجود بعض الأمراض بالرئة زي مرض الأنسداد الرئوي المزمن
  • التقدم في العمر
  • التلوث

والأعراض  :

  • كحة مستمرة
  • ألم في الصدر
  • قصر النفس
  • الشعور الدائم بالإرهاق
  • سعال وبلغم دموي
  • صعوبة البلع
  • فقدان الوزن

وخلي بالك، تدخين البايب والسيجار مش بس ممكن يصيبك بسرطان الرئة، لكنه مرتبط كمان بسرطان الفم، الحنجرة والمريء

لو عايز تحمي نفسك وعيلتك من سرطان الرئة :

  • أهم حاجة إنك تبطل تدخين، لأنك مش بس بتضر نفسك، أنت بتضر كل شخص بتحبه
  • النشاط البدني بيقيك من سرطان الرئة بنسبة 20%

Share.

Comments are closed.