اشترك
like Sofy on Facebook

احمى قلبك

0

الكلام عن صحة القلب  و حمايته مش بيخلص  لأن صحة القلب مهمة لصحة الجسم كله و صحة القلب رمز لصحة الجسم كله و مجرد أصابته بأى مرض بيأثر على الصحة العامة و بيكون ليه مضاعفات وبيخلينا فى قلق كبير ده غير مصاريف العلاج و تعبه واللى مهما أن كان مش هيرجع القلب زى ما كان و لأن الوقاية خير من العلاج أعرف معانا ايه الحاجات اللى المفروض نبطلها علشان نحافظ على صحة قلبنا.

  • أحمى قلبك:
  1. الأمتناع عن التدخين:

واحد من الأسباب الرئيسية لأمراض القلب هو التدخين ,التدخين بيرفع ضغط الدم و بيسبب تجلط الدم  و بيقلل نسبة الكوليسترول الجيد فى الدم (HDL).

وحتى لو كان التدخين و احدة من العادات اللى بيبقى صعب التخلى عنها لكن المكافأة بتكون أكبر بكتير من أى متعة من التدخين و كفاية  معرفة أنه بمجرد ما بتبطل التدخين بتبدأ الأخطار تقل من على قلبك و بعد 10 سنين من الأمتناع عن التدخين بتبقئ كأنك ما أخدتش أى سيجارة قبل كده.

  1. تجاهل آلام الصدر:

آلام الصدر بتعتبر ناقوس الخطر وبيبقى الأحساس بيها أحساس بالضغط أكتر منه آلم وبتمتد آلامها أحيانا للكتفين و بتوصل للفك أو أسفل الذراع اليسرى وبيكون لازم أستشارة الطبيب و مراجعته فورا و عمل كل الفحوصات اللازمة.

  1. تقبل فكرة الجينات الوراثية :

طبعا وجود تاريخ فى العائلة لأمراض القلب بيزود من أحتمالية الأصابة المستقبلية بأمراض فى القلب  لكن ده مش معناه الأستسلام وتقبل أن دى النهاية لأن لسة فى فرصة كبيرة للتغلب على الصعاب و مواجهة المخاطر عن طريق كذة حاجة صديقة للقلب زى تقليل الكوليسترول الضار (LDL)   وده بيقلل من معدلات الأصابة بأمراض القلب بنسبة كبيرة وهيساعدك فى أنك تتخلص من الأخطار اللى بتواجهها.

  1. تخطى الفحص الطبى الخاص بك:

عدم متابعة الفحص الدورى بأنتظام مع الدكتور بيعرضك لخطورة عدم أكتشاف مشاكل القلب فى مرحلة مبكرة  وده بيبقى صعب فى الأكتشاف وممكن أن التعامل معاها فى البداية بيكون سهل زى أرتفاع نسبة الكوليسترول أو ضغط الدم لكن بعد كده بيكون ليها مخاطر كبيرة .

  1. عدم الحركة:

قلة النشاط و الحركة بتزود من مخاطر أمراض القلب لأن ممارسة الرياضة بتتوصف لطول العمر ,ممارسة الرياضة و الحركة بتقلل من ضغط الدم و بتحسن مستوى الكوليسترول فى الدم وبتقلل الوزن ومفيدة لوظائف الأوعية الدموية .          

حتى لو مش متعود على الرياضة خالص ماتقولش مش هينفع دلوقت لا ابدأ من دلوقت بس طبعا لازم تتابع مع دكتور على البرنامج الرياضى و التمارين المناسبة ليك.

  1. عدم الالتزام بتناول الأدوية : 

التوقف عن تناول أدوية القلب  بيعرض القلب لمخاطر كبيرة زى النوبات القلبية أو السكتة الدماغية فمن المهم جدا لمريض القلب متابعة أدويته يوميا و المتابعة المستمرة مع الدكتور لمتابعة أى تطورات.

  1. عدم الراحة عند الأحساس بالتعب:

شعور التعب المفاجىء والأحساس بعدم الراحة فى الصدر أو ضيق فى التنفس أو الشعور بحالة من الدوار أو الأغماء وبيكون مؤشر لعدم أنتظام ضربات القلب أو أخطار تانية للقلب.

  1. عدم متابعة ضغط الدم:

أسرع وسيلة لتدمير صحة القلب هى عدم متابعة ضغط الدم أو أنه يتساب مرتفع من غير علاج لأن عدم السيطرة على ضغط الدم بيسبب مشاكل للقلب وبيسبب أخطار كبيرة زى النوبات القلبية أو السكتة الدماغية فحتى لو كان من الصعب تحديد أعراض أرتفاع ضغط الدم  من اللازم متابعة ضغط الدم و قياسه بشكل دورى .

  1. التخلى عن الأكل 

طبعا السمنة بتساهم فى الأصابة بأمراض القلب وحتى لو كان الريجيم مهم لكن لازم عمل الريجيم مع مراعاة بعض الأمور زى أن يكون النظام الغذائى غنى بالفواكه و الخضروات و المكسرات و الأسماك للحفاظ على صحة القلب مع الأنتباه طبعا للاعتدال وعدم الأفراط فى الأكل.

Share.

Comments are closed.