اشترك
Buy Neuth France products

احذري من الاخطاء دي في العلاقة الحميمة

0

بعض الزوجات بيعملوا اخطاء اثناء ممارسة العلاقة الحميمة بتحرم االطرف التاني من الاحساس بالسعادة والاشباع في العلاقة ,اعرفي معانا ايه هي الاخطاء دي وازاي تتجنبيها وتوصلي مع زوجك للاحساس بالسعادة والاشباع بعلاقة حميمة سوية.

-الاحساس بعدم الثقة في مظهرك:

احساسك ان شكلك مش هيكون مقبول بسبب شعرك الخفيف او وزنك الزايد او شوية حبوب في وشك كل ده مش بس بيأثر في نفسيتك لكن كمان بيحرمك انتي وزوجك من الاحساس بالسعادة في العلاقة,لو عايزة تتخطي المشكلة دي فمهم جدا قبل اي حاجة تكوني واثقة من نفسك وتحبيها وبشوية اهتمام بسيط بلبسك وتسريحة حلوة لشعرك واهتمام بالنضافة الشخصية هيقل احساسك ان شكلك مش هيكون حلو وهتحسي بالسعادة في العلاقة انتي وشريكك .

-عدم الاهتمام باحتياجات الزوج اثناء العلاقة:

لاحظي ان ممارسة العلاقة بالنسبة لزوجك مش مجرد تسلية او تقضية وقت لكن ده احتياج اساسي بالنسبة له,علشان كده بلاش تستهيني بأي طلب يطلبه منك شريكك اثناء العلاقة الا لو حسيتي ان ده مش هيرضيكي او فيه حاجة مش مقبولة بالنسبة ليكي فممكن ترفضي بأسلوب لطيف وعبري له دايما عن مشاعرك بطريقة رقيقة لان ده بيحسسكم بالاشباع انتو الاتنين.

-الاعتقاد ان الزوج مستعد للعلاقة في اي وقت:
الضغوطات اللي بيتعرض ليها الزوج والاعباء والمسئوليات اللي عليه بتخليه مش دايما جاهز لممارسة العلاقة,علشان كده بلاش تخلي الموضوع ده يكون سبب لتوتر العلاقة بينكم ولاحظي ان ده مجرد ظرف طارئ وهينتهي.

-عدم الصراحة مع الطرف الاخر:
لو حسيتي ان في وضع معين مش مريحك في العلاقة او لو كنتي في مرة من المرات حاسة بضيق من حاجة معينة بتضعف رغبتك في ممارسة العلاقة يبقي لازم تصارحي الطرف بده لئلا يحس بالتوتر والضغط العصبي.

-ممارسة العلاقة كواجب بدون استمتاع:
بلاش تخلي ممارسة العلاقة بالنسبة ليكي مجرد واجب مفروض عليكي او حاجة روتينية لكن خليها عبارة عن مشاركة ايجابية بينك وبين الطرف الاخر ووسيلة للاستمتاع المشترك.

 

Share.

Comments are closed.