اشترك
like Sofy on Facebook

اتعرفي علي 7 فوايد جمالية مذهلة للعسل

0

العسل له فوايد جمالية كتيرة جدا في العناية بصحة وجمال البشرة والشعر ومحاربة التجاعيد وعلاج حب الشباب والرؤوس السودا والندبات والهالات السودا تحت العينين اللي بيعاني منها ناس كتير وكمان للحفاظ علي ضوافر قوية وجذابة،اتعرفي معانا علي طرق استخدام العسل في خلطات طبيعية للعناية بصحة وجمال شعرك وبشرتك وجلدك.

1-علاج حب الشباب:
العسل بيحتوي علي مضادات للبكتريا وده بيخليه من افضل علاجات حب الشباب،حطي كمية من العسل علي المنطقة اللي فيها الحبوب لمدة ربع ساعة وبعدين اشطفيها.

2-مقشر طبيعي للبشرة:
العسل بيساعد علي تنضيف البشرة وتقشيرها وتخليصها من الجلد الميت وإعادة تجديد البشرة بفضل مضادات الاكسدة اللي بيحتوي عليها،استخدمي العسل كغسول طبيعي لبشرتك للاستمتاع ببشرة ناعمة وخالية من العيوب.

3-تنعيم الشعر وتقويته:
استخدمي العسل لشعرك علشان تستمتعي بشعر ناعم وجذاب ولامع وقوي،اخلطي معلقة عسل مع معلقتين من زيت الزيتون ودلكي شعرك بيهم بلطف وبعدين اشطفي شعرك بعد 20 دقيقة.

4-جمال الضوافر:
العسل بيساعدك في الاستمتاع بضوافر قوية وناعمة،اخلطي معلقة عسل مع معلقة من خل التفاح وحطيهم علي ضوافرك لمدة 10 دقايق وبعدين اشطفيهم.

5-التخلص من الهالات السودا وتأخير التجاعيد:
حطي معلقة من العسل علي الهالات السودا او المنطقة الداكنة وسيبيها لمدة 20 دقيقة وبعد كده اشطفيها وكرري الحكاية دي مرتين في الاسبوع هتتخلصي من الهالات السودا او المناطق الغامقة في جلدك وهتحافظي علي شباب ونضارة بشرتك.

6-علاج الجروح والالتهابات:
العسل من افضل علاجات اثار الجروح والحروق وبيساعد علي تهدئتها بفضل مضادات الاكسدة اللي بيحتوي عليها,حطي كمية مناسبة من العسل علي المنطقة المجروحة  لمدة ربع ساعة وبعدين اشطفيها.

7-مرطب للجلد:
كلنا معرضين لجفاف الجلد في الشتا،لو عايزة تتغلبي علي جفاف جلدك وتتمتعي بجلد رطب وناعم ممكن تخلطي معلقة عسل مع معلقة زيت زيتون في كوباية من عصير الليمون وحطي الخليط علي المنطقة الجافة من جلد لمدة 20 دقيقة وبعدين نشفيها بفوطة دافية.

Share.

Comments are closed.