اشترك
like Sofy on Facebook

إيه سبب ظهور الهالات السوداء وازاي نعالجها ؟

0

معظم الناس بتفتكر إن السبب الأساسي للهالات السودا حوالين العين هو التعب والارهاق أو قلة النوم ، لكن ده مش السبب الوحيد لأن في أكتر من سبب للحالة دي ومن ضمنهم :

1- الحساسية : الناس اللي بيعانوا من الحساسية  بيفركوا عيونهم ، وده بيؤدي لظهور الهالات السودا، وأحيانا الهالات السودا بتكون أكتر وضوح خلال موسم حمى القش في الأشخاص اللي بيعانوا من حمى القش.

2- احتقان الأنف : ممكن يؤدي لتورم في الأوعية الدموية بالقرب من العين والأنف، فيكون سبب في ظهور الجلد أكثر قتامة.

3- الأنيميا : نقص الحديد، سواء بسبب سوء التغذية أو لما بتكون الدورة الشهرية شديدة عند السيدات  أو حالة غير مشخصة زي الاضطرابات الهضمية، ده بيأثرعلى تداول الدم وممكن يؤدي للهالات السودا تحت العينين .

4- الجفاف : عدم وجود كم من السوائل كافي في الجسم بيسبب تقلص خلايا الجلد، وبيخلي الهالات السودا واضحة أكتر، ببساطة مياه الشرب ممكن تحقق انخفاض ملحوظ في الهالات .

5- الإجهاد / نقص النوم : الإجهاد الزيادة ممكن يسبب صعوبة في إن الشخص يحصل على نوم جيد، وده بيسبب ان الجلد بيكون شاحب والعيون غارقة، فتكون الهالات السودا واضحة أكتر .

6- الحمل : التغيرات في مستويات الهرمون بسبب الحمل ممكن تمدد الأوعية الدموية الصغيرة، فتكون الهالات السودا تحت العينين واضحة أكتر .

7- تدخين السجائر : بيزود من ظهور الهالات السودا تحت العينين .

 

إزاي نقلل من ظهور الهالات السودا ؟

النوم الكافي والاكل الصحي وشرب السوائل كل ده بيحافظ على البشرة وبيقلل من ظهور الهالات السودا .

ومن الطرق البسيطة والسهلة اللي بتقلل من ظهور من الهالات السودا الوصفات اللي بتكون من المواد الطبيعية ودي بعض الوصفات :

– معلقة من عصير طماطم مع معلقة من عصير ليمون ونحطه ماسك حوالين العين لمدة عشر دقايق ونغسله بالميه والماسك ده ممكن يتعمل مرتين في اليوم .

– اوراق النعناع نطحنها ونعمل منها زي معجون ونحطه حوالين العين لمدة 10 دقايق كل يوم بليل وبعدين نغسله .

– ماسك الخيار وده بنقطع الخيار حلقات ونحطه في الفريزر 30 دقيقة وبعدين نحط الحلقات فوق العين لمدة 10 دقايق وبعدين نغسل وشنا بمية باردة.

– أكياس الشاي الاخضر او البابونج ممكن نحطها في المية وبعدين نسيبهم في الفريز شوية ونطلعم نحطهم على العين .

في طرق طبية ظهرت لعلاج الهالات السودا وهي :

التقشير الكيميائي : بيجدد خلايا البشرة حول منطقة العينين.

 العلاج الضوئي : بيدمر الخلايا المسببة لتغيير لون البشرة وينعم المنطقة حول العينين.

 الّليزر : يعالج الهالات السوداء ويخفف من تصبغات البشرة.

العمليات الجراحية : تزيل الدهون من تحت العينين وتخفف من الانتفاخات والهالات .

وكمان في طرق طبيعية

Share.

Comments are closed.