اشترك
Buy Neuth France products

إعرف فوايد ممارسة الرياضة وأنت صايم

0

كتير من الرياضيين بيفضلوا يبطلوا ممارسة تماينهم في الصيام وبيرجعوا يبدأوا من الأول لأنهم بيفقدوا كل التنايج اللي حققوها لما يبطلوا تمارينهم مدة شهر كامل، لكن ممارسة التمارين وأنت صايم ليها فوايد كتيرة إعرفها لما تقرا الموضوع ده

ممارسة التمارين وانت صايم ليها فوايد كتير منها :

  • التخلص من الدهون : بيتم حرق الدهون أثناء الصوم لأن الجهاز العصبي الودي بيقوم بإرسال إشارات لحرق الدهون بسبب قلة الغذاء، لكن ممارسة التمرين بعد تناول الطعام بتقلل من الوزن بس
  • بيتم تحقيز الجسم على حرق الجليكوجين لأنتاج الطاقة اللازمة للتمرين، وده بيخلصك من كتير من السكريات المتخزنة جوة جسمك
  • الصوم مع التمرين بيعمل على تجديد الخلايا في المخ والعضلات وده بيبعد عنك الشيخوخة وبيقوي ذاكرتك
  • بيزود إفراز هرمون النمو البشري : اللي بيساعد في بناء العضلات
  • بيزود من إفراز التستوستيرون : اللي بيثقل العضلات، بيقلل من دهون الجسم وبيحارب أمراض القلب والأكتئاب
  • بيحسن من تركيبتك الجسمانية
  • بينظم مستوى الإنسولين في الدم

خلي بالك:

  • بيفضل إنك تمارس تمارينك قبل الإفطار بنصف ساعة خصوصا لو بترفع أوزان
  • لازم يكون أكلك فيه كم مناسب من البروتين
  • للأشخاص اللي بيتأثروا بتغير السكر في الدم واللي ممكن يصابوا بدوار أو إغماء، بيفضل ممارسة التمارين قبل الفطار بربع ساعة مش اكتر
  • متستمرش في التمرين لو شعرت بتعب

بنقدملك مشروب الطاقة للفطار والسحور :

ميلك شيك بالتمر

Dates-Milk-Shake

المكونات :

  • نصف كوب تمر
  • نصف كوب لبن
  • نصف كوب زبادي
  • ملعقتين كريمة لباني
  • ملعقتين من العسل (إختياري)

الطريقة :

إمزج كل المكونات لحد ما يتجانسوا وقدمه ساقع

Share.

Comments are closed.