اشترك
like Sofy on Facebook

إعرف أكتر عن السوائل جوة جسمك

0

معروف إن المية بتمثل حوالي 68% من جسم الإنسان. والسوائل بشكل عام موجودة في الجسم كله وليها أكتر من دور. لو عايز تعرف أكتر، إقرأ معانا الموضوع ده.

هل للعرق رائحة ؟

لا، العرق هو طريقة بستخدمها الجسم عشان يوصل لدرجة حرارة مناسبة ليه أو بيفرزها أثناء الأ نفعالات النفسية. لكن الرائحة بيكون سببها البكتيريا الموجودة على سطح الجلد.

 تعرف بيفزر جسمك قد إيه من اللعاب يوميا ؟

من لتر ل2 لتر يوميا، وده لأنه بيساهم في هضم الطعام عن طريق تكسيره، بيساعد في بلعه وكمان بينظف الفم

والبول هل شكله ولونه بيعبر عن تغير في صحتك ؟

البول هو سائل أغلبه مية، لكنه بيحمل أي عدوى موجودة جوة جسمك فممكن يتغير لونه، قوامه أو رائحته مع وجود أي عدوى

العصارة المراية ……..إيه دورها في الجسم ؟

العصارة المرارية هي سائل أصفر سميك بيفرز من الكبد، بيساعد في عملية الهضم وبيخلص الجسم من الفضلات

والمخاط، موجود بس في الأنف ؟

لا، موجود كمان في الفم، الرئة، الأمعاء والمعدة وهو بيحافظ على رطوبة خلايا الجسم

تعرف اد إيه كم الحيوانات المنوية الموجودة في السائل المنوي ؟

أقل من 1% والباقي عبارة عن سكر، أحماض، زنك وبروتين

كمان السائل الموجود بصورة طبيعية في المهبل بيحافظ على الترطيب اللازم ليها ويبقيها نظيفة ويبعد عنها العدوى

وبالنسبة للأمهات، إيه حكاية أول لبن بيرضعه ؟

أول أيام من الولادة، بيفرز سائل أخف من اللبن بس مليان مغذيات بتحافظ على صحته وبتفيده جدا

هو ممكن أنفك تدمع ؟

ده حقيقي، الدموع بتفرز من غدد موجودة في الجفون العليا للعين، ولما العين بتمتليء بالدموع، بتمر الدموع في قنوات دقيقة بين العين والأنف وبتنزل من الأنف

وإيه هي فايدة السائل الموجود في الأذن ؟

في الأذن الداخلية في سائل موجود في كيس بيحافظ على توازنك ولما بتزيد كميته ممكن تشعر بدوخة وتعب

انشرها

التعليقات مغلقه