اشترك
like Sofy on Facebook

إعرف أكتر عن إحتقان الجيوب الأنفية

0

لو بتعاني من ألم في مقدمة الرأس أو بين العينين، أو ألم في الأسنان العلوية . كمان لو حاسس بإحتقان في الأنف يبقى أنت ممكن تكون مصاب بإحتقان الجيوب الأنفية. إعرف أكتر لما تقرأ الموضوع ده.

إيه هي الجيوب الأنفية ؟

الجيوب الأنفية هي مساحات مليانة هواء في الجمجمة حواليها أغشية مخاطية وهي بتتكون من 4 مجموعات :

  1. 2 موجودين في الجبهة فوق العينين
  2. 2 في عظمة الخد
  3. مجموعة من التجاويف خلف مجرى الأنف
  4. تجويف أسفل المخ وخلف الأنف

الجيوب الأنفية كلها متصلة بالأنف عشان تسمح بالتغيير المتواصل للهواء والمخاط. أي وجود للعدوى أو الحساسية، بيخلي الجيوب دي تحتقن وتنتفخ وتصبح حمراء اللون، وده هو إحتقان الجيوب الأنفية.

من أعراض إحتقان الجيوب الأنفية :

  1. إمتلاء الأنف بالمخاط
  2. ألم حول العينين أو بالأسنان
  3. صداع وإحتقان بالحلق وكحة
  4. ضعف في حاسة الشم والتذوق

إيه هي انسب علاجات للجيوب الأنفية ؟

مضادات إحتقان الأنف الموجودة في صورة نقط أو سبراي للأنف بس بيفضل إستخدامها لمدة أيام قليلة لا تتعدى الأسبوع.

إحتقان الأنف اللي بيكون سببه نزلات البرد مش بيحتاج أي علاج لأنه بيختفي تلقائيا مع زوال نزلات البرد بحد أقصى إسبوعين

إحتقان الأنف اللي بيكون سببه الحساسية بيكون المحلول الملحي أنسب علاج ليها

ممكن تساعد نفسك و تقلل من الإصابة بنوبات إحتقان ا لجيوب الأنفية :

  1. إستخدم دايما محلول ملحي لترطيب الجيوب الأنفية
  2. أبعد عن المسببات للحساسية زي الخان أو المواد الكيميائية المتطايرة

Share.

Comments are closed.