اشترك
like Sofy on Facebook

إزاي نقدر نحسن وظيفة الكبد بطريقة طبيعية

0

طبعا كلنا عارفين دور الكبد الهام في التخلص من السموم الموجودة جوة الجسم ، اعرف إزاي ممكن تتحسن وظيفة الكبد بطرق طبيعية لما تقرا معانا الموضوع ده.

الكبد في جسم الانسان ليه ادوار حيوية جدا :
• هو المسؤل عن تحويل المواد السامة لمواد غير ضارة وكمان يخرجها من الجسم
• متصل بالمرارة اللي بتحتوي على العصارة اللي بتساعد في عملية الهضم
• هو المسؤل عن عملية تدفق الدم داخل الجسم بطريقة منتظمة، تخزين الدم، وتخثر الدم

وعشان نحافظ على صحة الكبد ممكن نتبع بعض العادات السهلة زي :
1. تناول الأطعمة المحتوية على مضادات الالتهاب زي :
• الأطعمة الحمضية : مليانة بالمعادن الهامة اللي بتعمل على توازن السوائل جوة الجسم ، ومنها المسطردة، الجرجير
• الخضروات الورقية الداكنة : غنية بمضادات الأكسدة والبوتاسيوم زي السبانخ والكرنب والسلق
• الشاي الأخضر
2. خلي أكلك أورجانيك : الخضروات المرشوشة والمواشي والدواجن اللي بتتغذى عليها بتكون محتوية على كتير من السموم
3. حاول تقلل من التوتر والضغوط النفسية : التغيرات في محور الغدة النخامية بسبب الضغوط والتوتر بتعزز وجود الالتهابات والتلف للكبد
4. خليك دايما في حالة نشاط : لأن الكبد بيقوم بتخزين وتنقية الدم، فالنشاط المستمر بيساعد على تدفق الدم بصورة سليمة وبالتالي تنقيته بصورة سليمة. كمان عند ممارسة النشاط البدني بيقوم القلب بضخ كمية كبيرة من الدم وبيتم تنقيتها في الكبد وتوصيلها محملة بالمغذيات للمخ وجميع اعضاء الجسم مما يؤدي لعمليه هضم سليمة، حركة منضبطة للأمعاء وحدوث الطمث بأقل الم ممكن

انشرها

التعليقات مغلقه