اشترك
like Sofy on Facebook

إزاي تهيأي نفسك للحمل

0

قبل ما تفكري تكوني حامل، لازم تهيأي نفسك للحمل لصحة أفضل ليكي أنتي وطفلك أثناء الحمل وكمان بعد الولادة. إعرفي أكتر لما تقري معانا الموضوع ده.

من أهم الحاجات اللي بتساعد على حدوث الحمل :

  1. إن وزنك يكون مناسب :

الزيادة في الوزن ممكن تأخر حدوث الحمل، وكمان ممكن تؤدي لكتير من المشكلات أثناء الحمل زي الإصابة بمرض السكر، إرتفاع ضغط الدم وصعوبة في عملية الولادة.كمان طفلك بيكون معرض إنه يعاني من السمنة أو مرض السكر طول حياته.

ولو وزنك قليل بتكوني معرضة للإجهاض، ولادة طفل قبل ميعاده أو ولادة طفل قليل الوزن وضعيف

  1. نوعية الأكل :

في أكلات كتير بتساعدك على زيادة الخصوبة زي :

  • اللبن : بيحافظ على العظام والحهاز التناسلي
  • اللحوم خالية الدسم : لأنها مصدر مهم للحديد
  • الحبوب الكاملة : مصدر مهم لحمض الفوليك
  • الأسماك : بتنظم الهرمونات، بتزود ضخ الدم للأعضاء التناسلية وكمان بتقلل من التوتر

وفي أكلات لازم تبعدي عنها زي :

  • الكربوهيدرات المكررة : زي اللي موجودة في الخبز الأبيض لأنها بتعلي سكر الدم وده ممكن يحدث خلل في الهرمونات وإضطراب الدورة الشهرية
  • الأسماك اللي بتحتوي على الزئبق : زي الأسماك المعلبة لأنه بيضعف الخصوبة وخطر جدا على الجنين
  • منتجات الألبان غير المبسترة واللحوم النيئة : لأن البكتيريا اللي فيهم ممكن تؤدي لموت الجنين
  1. الحد من الكفايين : لازم تقللي من الكفايين اللي بتتناوليه خلال اليوم
  2. مراجعة الأدوية : في بعض الأدوية ممنوع تناولها أثناء الحمل لأنها بتشكل خطر على الجنين زي بعض أدوية الحساسية
  3. البعد عن التدخين : حتى التدخين السلبي بيضعف الخصوبة وممكن يؤدي للإجهاض
انشرها

التعليقات مغلقه