اشترك
like Sofy on Facebook

إزاي تهيأي طفلك  للمدرسة

0

المدارس على الأبواب، وكل أم بتفكر إزاي تهيأ اولادها صحيا ونفسيا للعودة للمدرسة. لو عايزة تعرفي إزاي ، اقري معانا الموضوع ده.

شوية نصايح بسيطة لسنة دراسية سعيدة :

  1. زيلي التوتر والخوف : خصوصا من الطفل اللي دي اول سنة دراسية ليه، وديه المدرسة يوم يكون قبل الدراسة بأسبوع عشان يتعرف على المكان وممكن كمان المدرسين والمشرفين. ده هيزيل خوفه وقلقه ويحمسه على دخول المدرسة
  2. زوري طبيب الأطفال : عشان يحصل طفلك على التطعيمات اللازمة وتطمني على صحته
  3. تنظيم أوقات النوم : قبل الدراسة بأسبوع على الاقل حددي ميعاد النوم لطفلك عشان يعتاد عليه تدريجيا وعشان تساعديه أبعديه عن التليفزيون والعاب الكمبيوتر فترة قبل النوم
  4. ساعديه في التعود على أداء الواجبات المدرسية : ناقشيه إن الفترة اللي جاية هيكون فيه وقت للمذاكرة ووقت للعب واصبري على الواجبات بعد دخوله البيت وحصوله على الغداء وممكن كمان ينام شوية
  5. احرصي إنه يحصل على وجبة الفطار قبل نزوله المدرسة : أثيتت الدراسات إن الأطفال اللي بيحصلوا على وجبة الفطار بيكونوا اكثر يقظة وانتباه وتركيز وده هيساعدهم على استيعاب المواد الدراسية وهيسهل مذاكرتها
  6. ساعديه أنه يثق بنفسه : خلي فترة ما قبل النوم هي فترة بتتناقشوا فيها في اللي حصل على مدار اليوم، شجعيه انه يحكي ويتكلم وامدحيه على أي تصرف صح عمله

Share.

Comments are closed.