اشترك
Buy Neuth France products

!إزاي تنظم وقت الشاشة للأطفال خلال الصيف ؟

0

أجازة الصيف طويلة وفيها وقت فراغ كتير ، والأهل دايما بيشتكوا إن أولادهم بيقضوا وقت كبير قدام شاشة التليفزيون أو الكمبيوتر أو الموبايل بيتفرجوا على فيديوهات أو بيلعبوا ،  وبالتالي أكثر سؤال بيطرحه الأباء والأمهات هو “إزاي أحدد وقت الشاشة للأطفال لما يكونوا في البيت طول اليوم؟”

الموضوع ده مهم جدا إنك تنظمه مع أطفالك لأن من السهل إنك تخلي ولادك طول اليوم  قدام أي شاشة علشان تخليهم هاديين أو مشغولين بحاجة ، لكن ده بيضر أطفالك لأنه بيأثر بشكل سلبي على شخصيتهم ويخليهم إنطوائيين ومش مبتكرين في حياتهم من خلال الألعاب اللي فيها حركة وكمان بيسبب ليهم أمراض لأن الأجهزة دي سواء الموبايل أو الكمبيوتر بتأثر على النظر وكمان بترسل إشعاعات مضرة للجسم

طب إزاي نقدر ننظم وقت إستخدامهم للأجهزة خلال اليوم بشكل مايكونش فيه ضرر ليهم

من أفضل الطرق اللي تداولتها بعض مواقع الأنترنت لإدارة وقت الشاشة للأطفال

عمل قائمة أنشطة خلال اليوم

لو عملت قائمة لأنشطة يقوم بها طفلك خلال اليوم، زي إنه ينظف غرفته ، يلعب رياضة ، يساعد في تحضير الأكل،يقرا شوية أو أي نشاط أنت حابب طفلك يمارسه ،ويفضل إن طفلك هو اللي يختار الأنشطة دي علشان يعملها وهو مستمتع ؛ويكون اتفاقك مع طفلك انه لو مارس كل الأنشطة المطلوبة منه خلال اليوم ، هياخد فرصة أنه يستخدم الكمبيوتر أوالموبايل يلعب عليه أو يتفرج على فيديوهات

عمل بنك لتنظيم وقت الشاشة

وده هيكون بنك للأطفال بيكسبوا منه فلوس مش حقيقية نتيجة قيامهم بتصرفات سليمة أو إنجاز أي نشاط مطلوب منهم. الأطفال تبتدي تحوش الفلوس وتدفعها مقابل إنها تحصل على وقت للشاشة. الطريقة دي مفيدة لأنها بتعلمهم فكرة قيمة كسب المال مقابل العمل ، وكمان بتساعدهم على تعلم  فكرة انك تحوش عشان تقدر تجيب لنفسك حاجة نفسك فيها فيعلمعهم قيمة الأشياء وكمان الطريقة دي تحفز الطفل على إنه يكون سلوكه واسلوبه حلو لأنه هيحصل على مكافأة ومع التكرار تتحول لعادة عنده

بطاقات لتنظيم وقت الشاشة

البطاقات هي طريقة بسيطة للغاية لإدارة وقت الشاشة، بيحصل كل طفل على مجموعة بطاقات في بداية الشهر والبطاقات دي يصرف منها علشان يقدر ياخد وقت يلعب على الموبايل او الكمبيوتر او يتفرج على حاجة بيحبها ،ولوخلصهم بدري قبل ما الشهر يخلص ميقدرش يحصل على وقت للشاشة . الطريقة دي بتساعد الأطفال انهم يحافظواعلى البطاقات في مكان آمن خلال الشهر ، كمان بيعلمهم تنظيم صرف البطاقات خلال الشهر علشان تكمل معاهم لاخر الشهر وبالتالي يعلمهم يحسوا بقيمة الأشياء

Share.

Comments are closed.