اشترك
like Sofy on Facebook

إزاي تحدد نوع الحساسية اللي عندك !!

0

الحساسية بتحصل لما بيتفاعل جهاز المناعة مع مادة غريبة زي حبوب اللقاح أو سم النحل أو وبر الحيوانات الأليفة أو أنواع معينة من الأكل .

جهاز المناعة بينتج مواد معروفة باسم الأجسام المضادة. ولما بيكون عندك حساسية، بيقوم جهاز المناعة الخاص بيك بعمل أجسام مضادة بتحدد حساسية الشخص من شئ معين حتى لو هي حاجة مش مضرة . لما الشخص بيتلامس مع المواد المسببة للحساسية ،بيقوم جهاز المناعة بردود فعل زي التهاب الجلد أوالتهاب الجيوب الأنفية او الجهاز الهضمي .

بتختلف شدة الحساسية من شخص لآخر ، وممكن تتدرج من تهيج طفيف إلى الحساسية المفرطة. وفي حين أن معظم الحساسية مش بيكون ليهاعلاج،فممكن تساعد العلاجات في تخفيف أعراض الحساسية.

إختبارات الحساسية :

في البداية بيتم تقييم الحساسية مع الطبيب من خلال مراجعة الأعراض وتاريخ الشخص الطبي ،بعدين بيقوم الطبيب بإجراء الفحص البدني . استنادًا لتاريخك الطبي ونتائج الفحص ، بيحدد الطبيب بعد كده إذا كنت بحاجة لمزيد من الإختبارات وإيه هو نوع إختبار الحساسية المطلوب.

من أنواع إختبارات الحساسية :

1- إختبار حساسية الجلد : بيستخدم الإختبارده لتقييم الحساسية الموسمية المشكوك فيها ،والحساسية الغذائية ،وحساسية الحشرات ، وحساسية الأدوية . وخلال الإختبار ده بيتم وضع مسببات الحساسية المشتبه بيها على الجلد وبيتم قراءة نتائج الاختبار بعد 15 دقيقة.

لازم تتجنب جميع مضادات الهيستامين والادوية المساعدة على النوم اللي بتحتوي على مضادات الهيستامين لمدة 5 أيام قبل ميعاد الإختبار، لأن وجود مضادات الهيستامين في الجسم بيدي نتائج غير موثوقة للإختبار .

2- إختبارات الدم : بالإضافة لإختبار حساسية الجلد ممكن يحتاج بعض المرضى لإختبارات الدم ،علشان يتكون تقييم كامل للمريض. وكمان بتتعمل إختبارات الدم في حالة عدم مناسبة إختبار الجلد لبعض الحالات ،زي المريض اللي مش هيقدر يتوقف عن تناول مضادات الهيستامين أو بعض الأدوية الأخرى اللي ممكن تأثرعلى نتائج اختبار الجلد ،أو الشخص اللي بيعاني من طفح جلدي .

3- اختبارات وظائف الرئة (قياس التنفس) : النوع ده من الإختبارات مرتبط بالربو، لأن غالبا بيصاب معظم الأفراد اللي بيعانوا من الحساسية بالربو.

أثناء اختبار قياس التنفس ، بيُطلب من الشخص الاستنشاق بعمق ثم الزفير بقوة وده بيتم جوة جهاز يقيس وظائف الرئة. وبتتكرر الطريقة دي على الأقل 3 مرات للتأكد من أن النتائج متناسقة.

4- إختبارات الغذاء :الإختبارات دي بتتعمل لأفراد معينة علشان نتأكد من حساسيتهم ضد طعام معين بيتجنبوه حاليًا. وفي الإختبار بياخد الشخص جرعات من الطعام في البداية بكمية صغيرة جدا ومع كل مرحلة في الإختبار بتزيد الكمية،وبعد كل جرعة بيكون في فترة ملاحظة وتقييم قبل تناول الجرعة التالية. بعد تناول الجرعة النهائية ، بيخضع المريض لفترة ملاحظة إضافية وتقييم نهائي.

بيكون الاختبار تحت إشراف الطبيب علشان لوحصل أي رد فعل سلبي .

5- إختبارات الدواء :

ودي بتتعمل للتأكد من حساسية الأشخاص لدواء معين. وفي الإختبارات بياخد الشخص جرعات متزايدة من الدواء بدءا بجرعة صغيرة جدا. وبعد كل جرعة بيكون في فترة ملاحظة وتقييم قبل تناول الجرعة التالية. بعد تلقي الجرعة النهائية ، يخضع المريض لفترة ملاحظة إضافية وتقييم نهائي.

وبيكون الاختبار تحت إشراف الطبيب علشان لوحصل أي رد فعل سلبي زي إختبارات الغذاء .

Share.

Comments are closed.