اشترك
Buy Neuth France products

إزاي تحافظ على وزنك طول شهر الصيام

0

ناس كتير مش بتقدر تحافظ على وزنها في رمضان، فبتخس أو تتخن . لو عايز تعرف الاسباب وأزاي تفضل محافظ على وزنك، إقرا معانا الموضوع ده.

أول حاجة :

إعرف مؤشر كتلة الجسم بتاعك وده بيتحسب بالطريقة دي:

مؤشر كتلة الجسم = الوزن/ مربع الطول

الوزن المثالي من 18.5 ل 24.9

لو زونك أقل من المفروض يكون عليه بيكون السبب إن جسمك مش بيحصل على إحتياجه من الطعام بين الفطار والسحور، فبيبدأ وقت الصيام بحرق الدهون ثم البروتين المسؤل عن بناء العضلات عشان يمد الجسم بالطاقة اللي محتاجها وحرق البروتين بيكون غير صحي تماما.

ساعد نفسك واتبع الخطوات دي عشان تحمي نفسك من فقدان الوزن الزائد :

  1. أفطر على مرحلتين : المرحلة الأولى التمر والشوربة والسلطة، والمرحلة التانية الطبق الرئيسي. بكدة أنت بتمد جسمك بكل إحتياجاته لأن الفطار على مرة واحدة بيخليك تشبع من الشوربة والسلطات ومش بتقدر تكمل طبقك الرئيسي اللي بيوفر لجسكم البروتين، الدهون والنشويات اللي محتاجها
  2. متشربش سوائل مع الأكل : لأن دي عادة عير صحية بتخفف من تركيز العصارات اللي بتهضم الطعام ، كمان هتخليك تحس بالشبع بسرعة
  3. أحصل على سناكس غنية بالسعرات الحرارية المفيدة : زي إضافة المكسرات على السلطة أو الحلويات
  4. متفوتش السحور أبدا : وخليه مكتمل العناصر الغذائية عشان توفر لجسمك الطاقة اللي هيحتاجها طول فترة الصيام

أما الشخاص اللي عندهم زيادة في الوزن فممكن يرجعوا لوزنهم من تاني لو إتبعوا النصايح دي :

  1. أبدأ بالشوربة والسلطة
  2. أمضع الأكل كويس جدا عشان يتهضم صح
  3. إختار اللحوم ومنتجات الألبان قليلة الدسم
  4. إستبدل الحلويات بالفاكهة
  5. خلى المشروبات خالية من السكر، وحاول تشرب ميه كتير بين الفطار والسحور
  6. مارس تمارينك عشان تحرق السعرات الحرارية غير المرغوب فيها

Share.

Comments are closed.