اشترك
Buy Neuth France products

إزاى تجذب فتاة أحلامك

0

كل الشباب بيحلموا بالبنت إللى هيكملوا معاها باقى حياتهم وكل واحد بيكون ليه صفات مختلفة عن التانى لكن فى صفات أساسية كل شاب بيتمناها فى فتاة أحلامه زى إنها تكون أنيقة و بشوشة و ذكية و غيرها من الصفات و زى ما بتختلف مقاييس كل شاب فى اختيار فتاة أحلامه بتختلف كمان مقاييس البنت فى اختيار فتى أحلامها ، فى المقالة دى هنقدملك الخطوط العريضة إللى ممكن تساعدك عشان تكسب قلب البنت إللى بتتمنى ترتبط بيها

.حافظ على مظهرك :
زى ما معظم الرجال بيفضلوا المرأة الرشيقة و الأنيقة كمان البنات والستات بيفضلوا الرجل المهندم فى مظهره و إللى بيتميز بالجاذبية و اللياقة البدنية ، مش لازم تكون شبه ممثلين هوليوود عشان تجذب فتاة أحلامك لكن بخطوات بسيطة تقدر تكون جذاب  زى إنك تهتم بأخذ حمام يومى و تلبس ملابس أنيقة و مناسبة لشكل جسمك و تهتم بنضافة حذائك و البرفان إللى بتستخدمه و تحافظ على ريحة فمك وتهتم بممارسة الرياضة بانتظام

 .اظهر الجوانب الإيجابية فى شخصيتك :
       . دور على مواهبك :
كل الناس بتنجذب للأشخاص إللى بيقدروا يقوموا بأشياء لطيفة و مميزة ، دور على الموهبة إللى إنت متميز فيها أو نمى          الموهبة الموجودة عندك سواء كانت موهبة تقليدية زى العزف على ألة موسيقية أو الرسم أو كانت موهبة مجنونة زى             الرياضات الخطيرة ، تقضية وقت مع ناس بيشتركوا معاك فى نفس الاهتمام و المواهب ممكن يكون هو المكان المناسب              لأنك تتعرف على فتاة أحلامك

  • اهتم بوجود جانب مثير فى حياتك :
    متكونش الشخص إللى بيقضى عطلة الأسبوع دايما فى البيت وهو بيتفرج على التليفزيون وبياكل فشار ، حاول يكون ليك هدف جانبى غير شغلك زى ممارسة هواياتك ، المشاركة فى عمل تطوعى ، الخروج والفسح ، قراءة كتب مفيدة أو ممارسة رياضتك المفضلة
  • كون شخص طيب ومحترم مع كل الناس :
    و انت بتتعامل مع الناس خليك دايما شخص مؤدب و ذوق معاهم ، حتى لو كنت بتعامل فتاة أحلامك معاملة لطيفة لكن بتعامل باقى الناس بطريقة مش كويسة فدة هيوصلها إحساس بعدم الأمان ناحيتك و إن بمجرد ما يتم الإرتباط هتعاملها بنفس الطريقة العنيفة ،وعلى العكس معاملتك للناس بلطف هيساعدها على الشعور بالاطمئنان ناحيتك
  • اثبتلها قدرتك على تحمل المسئولية :
    اشعر فتاة أحلامك بأنك شخص يقدر يتحمل المسئولية عن طريق الحصول على وظيفة جيدة أو إقامة مشروع ناجح ، كون قد كلمتك ونفذ وعودك أو القرارات إللى تعهدت بيها قدامها ، شعور المرأة بإنك تقدر توفرلها مستوى حياة معقول ممكن يشعرها بالثقة فيك و إنك جدى فى رغبتك فى الارتباط بيها

.كون فارس أحلامها :
خليك سند ليها و أول شخص تفكر فى اللجوء ليه فى وقت الشدة ، اسمعها بعناية وهى بتتكلم عن مشاكلها أو أحلامها أو طموحاتها ، انصحها لو طلبت منك بدون انتقاد لتصرفاتها وادعمها فى أى ظرف خاص بيها ، دور على طرق تساعدها بيها إن حياتها تكون أسهل ، و توصلها لطوحاتها

.سيبلها مساحة من الحرية :
البنت مش بتحب ترتبط بشخص يتحكم فى كل تصرفاتها أو بيغير عليها بطريقة مبالغ فيها ، لكن هيزيد احترامها ليك لو حسستها إنك واثق فيها و إنك مستعد لخدمتها فى أى موقف هتحتاجك فيه ، قدر أراءها ووجهة نظرها فى الحياة وشغلها و أصحابها و هواياتها

 .متبقاش تابع :
متقلدش أى موضة جديدة عشان تبقى شيك ، السر إللى متعرفهوش إن البنات بينفروا من ستايلات ملابس معينة وخصوصا إللى بتشبه لبس البنات حتى لو كانت على الموضة ، خلى لبسك أنيق بدون ابتذال و بيعبر عن شخصيتك بدل التقليد الأعمى للموضة

.حافظ على صورتك قدامها :
حافظ على سمعة كويسة ليك فى وسط دايرة معارف البنت إللى عايز ترتبط بيها ، ابعد عن النكت و التعليقات البذيئة و لما تكون قاعد معاها بص على وشها و تجنب النظر لجسمها لأنها هتشعر بدة فورا ، جاملها بلطف وعامل صديقاتها بلطف و احترام

Share.

Comments are closed.