اشترك
Buy Neuth France products

إزاى تاخد المسكنات صح

0

كلنا بنتعرض للألم سواء كان ألم مزمن أو مؤقت ، و الألم ليه أنواع و درجات مختلفة ، كمان قدرة الشخص على تحمل الألم بتحدد مدى شدته أو صعوبته .و أول شئ بنفكر فيه لما بنحس بألم هو إننا ناخد مسكن يخفف الألم ويساعدنا على مواصلة حياتنا بشكل طبيعى

و بسبب اختلاف آراء الناس على فكرة تناول المسكن عند الشعور بالألم من عدمه قررنا نبينلك الطريقة المناسبة لتناول المسكنات عشان تقدر تاخد المسكن من غير ما تضر جسمك

أنواع المسكنات:

  • الباراسيتامول:

يستخدم عادة في علاج حالات الألم الخفيف إلى المتوسط ،  زى آلام الأسنان، آلام الظهر، الصداع، التهاب المفاصل البسيط  وآلام الدورة الشهرية.  بالإضافة لكدة الباراسيتامول فعال في خفض درجات الحرارة المرتفعة

  • مضادات الالتهاب الغير ستيرويدية:

زى الأسبرين أو الأيبوبروفين  و تستخدم عادة في علاج أنواع الألم البسيط إلى المعتدل ومفعولها مسكن للألم وخافض للحرارة ومضاد للإلتهابات وممكن تتناولها عن طريق الفم أو كدهان موضعى

  • المسكنات الأفيونية :

زى المورفين و الترامادول وبيستخدم فى علاج حالات الألم الشديدة زى الألم المصاحب لمرض السرطان أو بعض حالات الألم الشديدة

وتعتبر العلاجات دى من المواد المخدرة عشان كدة غير مسموح ببيعها إلا بروشتة طبيب

أضرار المسكنات :

أضرار المسكن بتختلف حسب درجة قوته وفاعليته فى تخفيف الألم وكل ما زادت فاعلية المسكن كل ما زادت أعراضه الجانبية أو الأخطار المحتملة الناتجة عنه

  • الباراسيتامول :

مالوش أعراض جانبية تذكر لو تم اتباع إرشادات الطبيب أو الصيدلى

  • مضادات الالتهاب الغير ستيرويدية:

تناول جرعات عالية منها ممكن تؤدى إلى حدوث قرحة فى المعدة أو نزف معوى و يفضل تناول المسكنات دى بعد الأكل لتجنب حدوث قرحة أو تهيج فى المعدة

تمثل خطورة على الأشخاص المصابين بأمراض الكلى وممكن تعرضهم للإصابة بالفشل الكلوى

  • المسكنات الأفيونية :

تناول جرعات عالية منها ممكن يؤدى للإدمان ومن أشهرها الترامادول دة بالإضافة لملاحظة امكانية تعود الجسم على النوع دة من المسكنات وبالتالى يصبح الجسم دايما محتاج لجرعات أعلى

نصائح واحتياطات عند تناول المسكن:

  • اتبع التعليمات الخاصة بالمسكن بدقة سواء الموصوفة من الطبيب أو الصيدلى أو النشرة الخاصة بالدواء .
  • اخبر طبيبك بأى نوع مرض أو حساسية مصاب بها
  • تناولك لأكتر من الجرعة المحددة ممكن يعرضك لخطر التسمم
  • تجنب تناول أى نوع تانى من الأدوية لتجنب التفاعلات الدوائية
  • تجنب قيادة السيارة تحت تأثير الدواء
  • تجنب شرب المشروبات الكحولية

Share.

Comments are closed.